प्रधानमन्त्री बालेन शाहको अभिव्यक्ती देशघाती-सिमाविद श्रेष्ठ

समाचार

गृहपृष्ठ
समाचार
प्रधानमन्त्री बालेन शाहको अभिव्यक्ती देशघाती-सिमाविद श्रेष्ठ

प्रधानमन्त्री बालेन शाहको अभिव्यक्ती देशघाती-सिमाविद श्रेष्ठ

बुधबार, जेठ २०, २०८३ कञ्चन खवर

२० जेठ, काठमाण्डौ
सीमाविद् बुद्धिनारायण श्रेष्ठले प्रधानमन्त्री बालेन शाहले संसदमा नेपालले पनि भारतको भूमि मिचेको भनी दिएको अभिव्यक्ति देशघाती भएको दावी गर्नु भएको छ। सिमाविद श्रेष्ठले प्र.म. शाहको उक्त अभिब्यक्ती प्राविधिक र कूटनीतिक रूपमा गलत भएको बताएका छन्।
योहो टेलिभिजनको "आरम्भ" कार्यक्रममा अन्तर्वार्ता दिँदै श्रेष्ठले प्रधानमन्त्रीको यस्तो अभिव्यक्तिले अन्तर्राष्ट्रिय मञ्चमा नेपालको अडान कमजोर बनाएको दाबी गरेका हुन।
श्रेष्ठले बालेन शाहले तथ्य र प्रमाणबिना हल्का रूपमा बोलेको आरोप लगाउँदै भने, "बालेन शाहले संसदमा नेपालले पनि भारतको भूमि मिचेको छ भन्नु देशघाती र प्राविधिक रूपमा गलत र कूटनीतिक रूपमा ब्लन्डर" हो। उनले "सर्फेसियल" रूपमा बोले, जुन कुराले भारतको हात माथि पारेको छ र लिपुलेक, कालापानी जस्ता मुद्दा ओझेलमा परेका छन्।"
उनले थप स्पष्ट पार्दै भने, "नेपालले भारतको भूमि मिचेको कतै पनि देखिँदैन। सिमानामा किसानको स्तरमा हुने दुई-चार कठ्ठाको ओगटमुगटलाई "क्रस होल्डिङ अकुपेसन" भनिन्छ, तर राज्यको तर्फबाट गरिने मिचाहा कार्यलाई "इनक्रोचमेन्टु भनिन्छ। प्रधानमन्त्रीले अकुपेसनलाई इनक्रोचमेन्ट भनिदिए, जुन भयानक गल्ती हो।"
बालेनको अडानलाई लिएर श्रेष्ठले कडा शब्द प्रयोग गरे। उनले भने, "यदि उनीसँग नेपालले भारत मिचेको कुनै तथ्य र प्रमाण छैन भने उनी नकचरो भएर बस्नु हुँदैन। यति संवेदनशील विषयमा गलत बोलेपछि उनले कि त माफी माग्नुपर्छ, कि नैतिकताको आधारमा पद छोड्नुपर्छ।" उनले थपे, "स्वयम् प्रधानमन्त्रीबाट देशको अखण्डतामा आँच आउने गरी बोल्नु एक किसिमको देशद्रोह जस्तै हो।"
रवि लामिछानेको भारत भ्रमणका सन्दर्भमा बोल्दै श्रेष्ठले उनी कूटनीतिक रूपमा चतुर भएकाले यो विवादमा नपस्ने अनुमान गरे। उनले भने, "रवि लामिछाने अलि "ट्याक्टफुल" छन्। उनले भारत भ्रमणमा सीमाको कुरा उठाउँदैनन् जस्तो मलाई लाग्छ। किनभने बालेनले संसदमा बोलेको कुराले नेपाललाई "फल्स पोजिसनुमा पुर्‍याएको छ र यस्तो बेला भारतले उल्टै "तिमीहरूकै प्रधानमन्त्रीले भूमि मिचेको स्वीकारेका छन्" भनिदियो भने नेपाल रक्षात्मक बन्नुपर्छ।"
प्रधानमन्त्रीले बेलायतसँग सीमाबारे छलफल भएको भनी दिएको बयानलाई पनि श्रेष्ठले झुटो र अपरिपक्व भने। उनले भने, "नेपालले कहिल्यै कूटनीतिक रूपमा बेलायतलाई पत्र पठाएकै छैन। बालेनका सल्लाहकारले राजदूतसँग चिया गफमा भएको कुरालाई नै ठूलो बनाएर प्रधानमन्त्रीलाई ब्रिफिङ गरे, जुन गलत थियो।"
श्रेष्ठका अनुसार १८१७ को ऐतिहासिक दस्ताबेज र चिठ्ठीहरूले कालापानी र गुन्जी नाभी क्षेत्र नेपालकै भएको पुष्टि गर्छन्। उनले ती प्रमाणहरू खोज्न र कूटनीतिक दबाब सिर्जना गर्न सरकारलाई सुझाव समेत दिए। उनले भने, "भारत ठूलो लोकतन्त्र भएको मुलुक हो, उसलाई अन्तर्राष्ट्रिय दबाब र प्रमाणका आधारमा वार्ताको टेबलमा ल्याउन सकिन्छ, तर बालेनको जस्तो गलत अभिव्यक्तिले भएका प्रमाणलाई पनि कमजोर बनाउँछ।"

प्रकाशित मिति: बुधबार, जेठ २०, २०८३ ०६:०२