कञ्चनको पिरीचापामा ३ दिने नेतृत्व एवम् क्षमता बिकास तथा उद्घोषण तालिम शुरु

समाचार

गृहपृष्ठ
समाचार
कञ्चनको पिरीचापामा ३ दिने नेतृत्व एवम् क्षमता बिकास तथा उद्घोषण तालिम शुरु

कञ्चनको पिरीचापामा ३ दिने नेतृत्व एवम् क्षमता बिकास तथा उद्घोषण तालिम शुरु

सोमबार, जेठ ४, २०८३ कञ्चन खवर

४ जेठ, कञ्चन
पिपरीचापा महिला सामुदायिक बन उपभोक्ता समूह, कञ्चन ५ रुपन्देहीको आयोजनामा आजदेखि ३ दिने नेतृत्व एवम् क्षमता बिकास तथा उद्घोषण तालिम शुरु भएको छ। कञ्चन सूचना तथा सञ्चार केन्द्र, कञ्चन ४ रुपन्देहीको व्यबस्थापनमा सञ्चालन भएको उक्त तालिममा पिपरीचापा महिला सामुदायिक बन उपभोक्ता समूहका पदाधिककारी, आमा समूह, टोल बिकास संस्था, क्लव र सहकारी संस्थाका गरी ४० जना प्रशिक्षार्थीहरुको सहभागिता रहेको छ।
तालिमको शुभारम्भ गर्दै कञ्चन गाउँपालिकाका वडा सदस्य तथा कार्यक्रमका प्रमुख अतिथि रुम बहादुर पुनले महिलाहरूको नेतृत्व विकास, आत्मविश्वास अभिवृद्धि तथा सार्वजनिक रूपमा आफ्ना विचार प्रभावकारी ढंगले प्रस्तुत गर्न सक्ने क्षमता विकासका लागि यो तालिम अत्यन्त महत्वपूर्ण रहने बताउनुभयो। समुदायको समग्र विकासमा महिलाको सक्रिय सहभागिता आवश्यक रहेको उल्लेख गर्दै तालिमबाट सिकेका ज्ञान, सीप र अनुभवलाई व्यवहारमा लागू गर्न सहभागी प्रशिक्षार्थीहरुलाई आग्रह गर्दै वडा सदस्य पुनले महिलाहरू सक्षम, आत्मनिर्भर र नेतृत्वदायी भूमिकामा अघि बढेमा समाज रूपान्तरणमा सकारात्मक प्रभाव पर्ने विश्वास व्यक्त गर्नुभयो।
यस्तै पिपरीचापा महिला सामुदायिक बन उपभोक्ता समूहका संस्थापक अध्यक्ष गौरा थापाले महिला सशक्तिकरण बिना समाजको समग्र विकास सम्भव नभएको र यस तालिमले महिलाहरूलाई केवल घरपरिवारमा सीमित नभई सामाजिक, राजनीतिक, आर्थिक तथा नेतृत्वदायी भूमिकामा अगाडि बढ्न प्रेरित गर्ने विश्वास व्यक्त गर्नु भएको थियो।
कार्यक्रममा प्रशिक्षक उजेली विश्वकर्माले हरेक सिकाईहरुबाट नयाँ नयाँ सिप र ज्ञान प्राप्त हुने भएकोले सिकाई एक निरन्तर प्रक्रिया जस्तै भएको उल्लेख गर्नु भयो। प्रशिक्षक विश्वकर्माले यस तालिमबाट महिलाहरूको क्षमता अभिवृद्धि, आत्मविश्वास विकास तथा सार्वजनिक रूपमा आफ्नो विचार प्रभावकारी ढंगले प्रस्तुत गर्न सक्ने सीप बिकास हुने विश्वास गर्नु भयो।
कार्यक्रमको आवस्यकता र औचित्यबारे उल्लेख गर्दै पिपरीचापा महिला सामुदायिक बन उपभोक्ता समूहका अध्यक्ष देउमाया काउचाले दिदीबहिनीहरूमा नेतृत्व क्षमता विकास गर्नुका साथै उद्घघोषण कला, आत्मविश्वास, सञ्चार सीप तथा व्यक्तित्व विकासमा सहयोग पुर्याउन तालिमको आयोजना गरिएको बताउनु भयो। तालिमबाट प्राप्त ज्ञान, सीप र अनुभवलाई व्यवहारमा उतारेर समाज परिवर्तनमा सकारात्मक भूमिका निर्वाह गर्ने अध्यक्ष काउचाले अपेक्षा गर्नु भएको थियो।
तालिममा कञ्चन गाउँपालिकाका मनोसामजिक परामर्शकर्ता भूमिका तरामु, जगीलाल थापा, उजेली विश्वकर्मा र प्रतिमा गौतमले प्रशिक्षण दिनु हुने पिपरीचापा महिला सामुदायिक बन उपभोक्ता समूहका कार्यलय सचिव भुवनेश्वरी पुनले जानकारी दिनु भएको छ।
पिपरीचापा महिला सामुदायिक बन उपभोक्ता समूहका अध्यक्ष देउकुमारी काउचाको अध्यक्षता तथा उाध्यक्ष पवित्रा थापाको स्वागतमा भएको तालिमको शुभारम्भ कार्यक्रम भुवनेश्वरी पुनले सञ्चालन गर्नु भएको थियो।

प्रकाशित मिति: सोमबार, जेठ ४, २०८३ २०:५७