एजेन्सी । दुबईमा मदिरामा लाग्ने ३० प्रतिशत नगरपालिका कर खारेज गरिएको छ । यसबाहेक व्यक्तिगत मदिरालाई लाइसेन्स फ्री बनाइएको छ । यो जनवरी १ गतेदेखि लागू भएको छ । समाचार एजेन्सी एपीका अनुसार दुबईको शाही परिवारको राजस्वको लामो समयदेखिको महत्वपूर्ण स्रोत समाप्त भएको छ । यसलाई दुबईमा पर्यटन प्रवर्दनका लागि महत्वपूर्ण कदमका रूपमा लिइएको छ । दुबईको पत्रिका खलिज टाइम्सले लेखेको छ, ‘जनवरी १, २०२३ देखि व्यक्तिगत मदिरा किन्न लाइसेन्स आवश्यक पर्दैन । रक्सी खरिद गर्न यूएईको वैध परिचयपत्र वा पर्यटकका लागि पासपोर्टको आवश्यकता पर्नेछ ।’
पत्रिकाले भनेको छ, ‘युएईमा रक्सी पिउनको लागि तपाई कम्तिमा २१ वर्षको हुनुपर्छ । आफ्नो घरमा र इजाजतपत्र प्राप्त सार्वजनिक स्थानमा मात्र रक्सी पिउन सकिन्छ ।’दुबई प्रशासनको यो निर्णयमा मेरीटाइम एन्ड मर्सेन्टाइल इन्टरनेशनल ९एमएमआई० एन्ड एमिरेट्स लेजर रिटेलका ग्रुप सिइओ टिरोन रेडले भनेका छन्, ‘दुबई सरकारको रक्सीमा ३० प्रतिशतको नगरपालिका कर हटाउने घोषणा पछि दुबईमा एमएमआईका सबै २१ स्टोरमा यो एक जनवरीदेखि लागू भएको छ भनेर जानकारी दिँदा खुसी लागिरहेको छ ।’
समाचार एजेन्सी एपीले लेखेको छ कि दुबईमा सरकार समर्थित दुई मदिरा खुद्रा विक्रेताहरूले नयाँ वर्षमा अचानक यो घोषणा गरेका हुन् ।
यद्यपि त्यस्ता घोषणाहरू सरकारी आदेशबाट गरिन्छ । एपीका अनुसार सरकारी अधिकारीहरूले आधिकारिक रूपमा निर्णयको पुष्टि गरेका छैनन् वा यसका प्रश्नहरूको जवाफ दिएका छैनन् । तर दुबईमा मदिरासँग सम्बन्धित नियमहरू समयसँगै उदार बनाइएको छ । दुबईमा अहिले रमजानको समयमा पनि मदिरा पाइन्छ र कोरोना महामारीका बेला होम डेलिभरी पनि गरिएको थियो । युएईमा सबैभन्दा बढी पर्यटक दुबई आउने गरेका छन् । कतारमा भएको फिफा विश्वकपमा दुबईका बारहरू फुटबलप्रेमीका लागि आकर्षणको केन्द्र बनेका थिए ।
मदिराको मूल्यमा यसको तत्काल प्रभाव के हुन्छ वा खुद्रा बिक्रेताहरूबाट किन्नेहरूमा यसको प्रभाव के हुन्छ भन्ने अझै स्पष्ट छैन ।
मदिरा वितरक मेरिटाइम एन्ड मर्केन्टाइल इन्टरनेशनलले भन्यो, ‘युएईले व्यवसायमा सधैं संवेदनशील र समावेशी दृष्टिकोण अपनाएको छ । हालैको नियमनको साथ, हामी दुबई र युएईमा रक्सीको सुरक्षित र जिम्मेवार खरिद सुनिश्चित गर्नेछौं ।’
एमएमआइले यो निर्णय स्थायी छ कि छैन भन्ने प्रश्नको जवाफ दिएको छैन । यद्यपि, एमएमआईले एक विज्ञापन जारी गर्दै अब मानिसहरु अन्य इमिरेट्समा लामो ड्राइभ गरेर जानुपर्ने आवश्यक नभएको बताएको छ ।
दुबईका मानिसहरूले करमुक्त रक्सीको लागि उम्म अल–क्वेन र अन्य इमिरेट्समा लामो यात्रा गरिरहेका छन् । अफ्रिकन एन्ड इस्टर्न यूएईको दोस्रो अल्कोहल रिटेलर हो । उसले पनि नगरपालिकालाई करमुक्त र लाइसेन्समुक्त मदिरा बिक्री गर्ने घोषणासमेत गरेका छन् ।
दुबईको कानुन अनुसार मदिरा पिउन गैर–मुस्लिम २१ वर्ष वा सोभन्दा माथिको हुनुपर्छ । दुबई प्रहरीले रक्सी पिउनेलाई प्लास्टिक कार्ड दिन्छ ।
यो कार्ड रक्सी किन्न, बोक्न र पिउनको लागि अनुमति हो । यो कार्ड बिना मदिरा किन्ने र पिउने जेल जान्छन् । यद्यपि, बारहरू, नाइटक्लबहरूमा कार्डहरू विरलै सोधिन्छन् । संयुक्त अरब इमिरेट्स वास्तवमा सात राज्य दुबई, अबु धाबी, शारजाह, उम्म अल९क्वेन, रस–अल–खैमाह, अजमान र अल फुजैराहको एक संघ हो जसको राजधानी अबुधाबी हो । जे होस्, जब युएईको कुरा आउँछ, दिमागमा आउने पहिलो नाम दुबई हो । त्यसैले संयुक्त अरब इमिरेट्सको कुरा वास्तवमा दुबईको कुरा हो । यद्यपि अबुधाबी, शारजाह, रस–अल–खैमाह र अन्य राज्यहरूको पनि आफ्नै ठाउँहरू छन्, तर दुबई दुबई मात्र हो ।
यी राज्यहरूले डिसेम्बर १, १९७१ मा बेलायतबाट स्वतन्त्रता पाए र त्यसको भोलिपल्ट अर्थात् डिसेम्बर २ मा छवटा राज्यले संघीय गठबन्धन बनाए । सातौं राज्य, रस अल–खैमाह, फेब्रुअरी १०, १९७२ मा गठबन्धनमा सामेल भयो, जब इरानी नौसेनाले स्ट्रेट अफ हर्मुजको केही भागलाई आफ्नो दाबी गर्यो । रस–अल–खैमाह र शारजाहले पनि यी क्षेत्रहरू दाबी गरेका छन् । यसरी यी दुई राज्यको गठबन्धनमा सामेल भएसँगै इरानसँगको भूभागको विवाद पनि आयो जुन आज पनि जारी छ ।
बीबीसी
-1730900112.jpg)
