रुपन्देहीमा फरार प्रतिवादी पक्राउ, दुई जनालाई अदालतमा पेस

समाचार

गृहपृष्ठ
समाचार
रुपन्देहीमा फरार प्रतिवादी पक्राउ, दुई जनालाई अदालतमा पेस

रुपन्देहीमा फरार प्रतिवादी पक्राउ, दुई जनालाई अदालतमा पेस

बुधबार, कात्तिक १८, २०८३ कञ्चन खवर

१८ कात्तिक, भैरहवा
रुपन्देहीमा विभिन्न मुद्दामा अदालतबाट कैद तथा जरिवाना सजाय तोकिएपछि फरार रहेका दुई जना प्रतिवादीलाई प्रहरीले पक्राउ गरेको छ।
जिल्ला प्रहरी कार्यालय रुपन्देही तथा मातहतका कार्यालयबाट खटिएको संयुक्त प्रहरी टोलीले २०८३ कात्तिक १८ गते जिल्लाका विभिन्न स्थानबाट उनीहरूलाई पक्राउ गरेको हो।
जिल्ला प्रहरी कार्यालय रुपन्देहीका अनुसार पक्राउ पर्नेमा बैंकिङ कसुर मुद्दाका प्रतिवादी सैनामैना नगरपालिका–४ निवासी मधुसूदन सुवेदी र बाल यौन दुर्व्यवहार मुद्दाका प्रतिवादी देवदह नगरपालिका–६, शिवालयटोल निवासी भीमबहादुर सुनार रहेका छन्।
जिल्ला अदालत रुपन्देहीको फैसलाअनुसार सुवेदीलाई एक महिना कैद र १२ हजार ५०० रुपैयाँ जरिवाना तथा सुनारलाई ६ महिना कैद र १० हजार रुपैयाँ जरिवाना तोकिएको थियो।
पक्राउ परेका दुवै जनालाई फैसला कार्यान्वयनका लागि रुपन्देही जिल्ला अदालतमा पेस गरिएको जिल्ला प्रहरी कार्यालय रुपन्देहीले जनाएको छ।
जिल्ला प्रहरी कार्यालय रुपन्देहीका सूचना अधिकारी प्रहरी नायब उपरीक्षक कृष्णकुमार चन्दले उक्त जानकारी दिएका हुन्।

प्रकाशित मिति: बुधबार, कात्तिक १८, २०८३ १९:२०