कञ्चनको अस्नैयामा लुम्बिनी साझेदारी कप फुटवल प्रतियोगिता आज देखि शुरु हुदै

खेलकुद

गृहपृष्ठ
खेलकुद
कञ्चनको अस्नैयामा लुम्बिनी साझेदारी कप फुटवल प्रतियोगिता आज देखि शुरु हुदै

कञ्चनको अस्नैयामा लुम्बिनी साझेदारी कप फुटवल प्रतियोगिता आज देखि शुरु हुदै

शनिबार, चैत १६, २०८१ कञ्चन खवर

१६ चैत्र, कञ्चन
रुपन्देहीको कञ्चनमा अस्नैया युवा क्लव र लुम्बिनी साझेदारी बन व्यबस्थापन समूहको संयुक्त आयोजनामा लुम्बिनी साझेदारी कप फुटवल प्रतियोगिता आज देखि शुरु हुदैछ। प्रतियोगितामा १२ फुटवल टिमहरुले प्रतिस्पर्धा गर्दैछन।
क्लवको २५ औं बार्षिक उत्सवको अवसरमा सञ्चालन हुने उक्त प्रतियोगिताका विजेता टिमले नगद २ लाख रुपैया सहित कप, मेडल र प्रमाण पाउने छन भने उप विजेता टिमले नगद १ लाख रुपैया सहित कप र मेडल अस्नैया क्लवले जनाएको छ।
चैत्र २७ गतेसम्म सञ्चालन हुने सो प्रतियोगिताका उत्कृष्ट खेलाडीले नगद २५ हजार रुपैया प्राप्त गर्ने छन भने प्रतियोगिताको उद्घाटन प्रतिनीधि सभा सदस्य बासुदेव घिमिरेले गर्ने आयोजकले जनाएको छ।
प्रतियोगितामा गैडहवा गाउँपालिका, गौतम बुद्ध सामुदायिक विकास केन्द्र, मुर्गिया एफ.सी., हिमालय सामुदायिक विकास केन्द्र, मनोभव एफ.सी. बुटवल, योङ्ग ब्वाइज एफ.सी. देवदह, अस्नैया युवा क्लव (आयोजक), बुद्ध सेभेन स्टार, ईभोल्युसन क्लव अफ तामनगर, करङ्गे युवा क्लव, फर्साटिकर एफ.सी. र देवदह ब्वाइजले उपाधीका लागि प्रतिस्पर्धा गर्ने अस्नैया युवा क्लवद्वारा प्रकाशित खेलतालिकामा उल्लेख छ।
आजको उद्घाटन खेल गैडहवा गाउपालिका र गौतमबुद्ध सामुदायिक विकास केन्द्र कन्चन ५ पिपरीचापा बिच हुने आयोजकले जनाएको छ। प्रतियोगिता कञ्चन ४ अस्नैया स्थित फुटवल खेल मैदानमा हरेक दिन दिउँस ३ बजे देखि सञ्चालन हुनेछ। प्रतियोगिता अवलोकनका लागि २० रुपैया टिकटको व्यबस्था गरिएको छ।

प्रकाशित मिति: शनिबार, चैत १६, २०८१ ०६:४०

प्रतिक्रिया दिनुहोस्