कञ्चन कप २०८१ अपडेटः सम्पुर्ण माथी योङ्ग व्वाइज देवदहको ४ गोल

खेलकुद

गृहपृष्ठ
खेलकुद
कञ्चन कप २०८१ अपडेटः सम्पुर्ण माथी योङ्ग व्वाइज देवदहको ४ गोल

कञ्चन कप २०८१ अपडेटः सम्पुर्ण माथी योङ्ग व्वाइज देवदहको ४ गोल

शुक्रबार, फागुन ९, २०८१ कञ्चन खवर

९ फागुन, कञ्चन
रुपन्देहीको कञ्चनमा जारी कञ्चन कप नकआउट फुटवल प्रतियोगिता २०८१ को चौथो दिन भएको खेलमा देवदहको योङ्ग व्वाइजले सम्पुर्णलाई गोलरहित बनाएको छ। योङ्ग का लागि विशाल तामाङ्ग र मनोज गुरुङ्गले १-१ गोल र हिमाल थापाले २ गोल गरेका थिए।
हिजो भएको दोश्रो क्वाटर फाइनलको खेलमा सम्पुर्ण युवा क्लवले देवदहमाथी आक्रमक खेल प्रदर्शन गरेको भएपनि देवदहका डिफेण्डर र गोलरक्षकका अगाडी सम्पुर्णको गोल प्रहार उपलक्धी हिन भयो। हिजोको खेलमा देवदहका विशाल तामाङ्ग म्यान अफ द म्याच भएका छन।
हिमालय सामुदायिक बिकास केन्द्र कञ्चन ४ दियो खेल मैदानमा जारी फुटवल प्रतियोगितामा रुपन्देही, कपिलबस्तु र नवलपरासीका उत्कृष्ट १० फुटवल टिमहरुले सहभागिता जनाएका छन। हिमालय सामुदायिक विकास केन्द्र, कञ्चन–४, दियो रुपन्देहीको आयोजनामा जारी प्रतियोगिताको विजेताले उपाधिसहित नगद २ लाख १ हजार हात पार्नेछ भने उपविजेताले १ लाख १ हजार प्राप्त गर्नेछ । यस्तै प्रतियोगिताको सर्वोकृष्ट खेलाडीलाई ७ हजार ५ सय रुपैया, उत्कृष्ट गोल रक्षक, सर्वाधिक गोलकर्ता र उदीयमान खेलाडीलाई जनही ५ हजार ५ सय रुपैया सहित ट्रफीको व्यबस्था गरिएको आयोजकले जनाएको छ।
फागुन १४ गतेसम्म सञ्चालन हुने प्रतियोगितामा हरेक खेलको म्यान अफ द म्याचका लागि जनही १ हजार १ सय रुपैया र ट्रफी समेत प्रदान गरिदै आएको आयोजकले जनाएको छ।
प्रतियोगितामा रुपन्देही, कपिलबवस्तु र नवलपरासीका सैनामैना कलेज सैनामैना, राजेश स्मृति फाउन्डेसन कपिलवस्तु, देश भक्त एफ.सी. नवलपरासी, चाँदनी युवा क्लब कञ्चन फर्साटिकर एफ.सी.शुद्धोधन, हिमालय एफ.सी. (आयोजक), इभोलुशन क्लब अफ बुटवल, भैरव स्पोर्टस क्लब नवलपरासी, योङ्ग बोईज देवदह, सम्पुर्ण एफ.सी. सुपौलीले सहभागिता जनाएका छन।
प्रतियोगिता अवलोकन गर्नका लागि दर्शकहरुको संख्या भने दिनहुँ बढ्रदै गइरहेको छ।

प्रकाशित मिति: शुक्रबार, फागुन ९, २०८१ ०६:०४