कञ्चनको एकमात्र प्रतिस्ठित फुटवल प्रतियोगिताको १६ औं संस्करण फागनु ५ गते देखि

खेलकुद

गृहपृष्ठ
खेलकुद
कञ्चनको एकमात्र प्रतिस्ठित फुटवल प्रतियोगिताको १६ औं संस्करण फागनु ५ गते देखि

कञ्चनको एकमात्र प्रतिस्ठित फुटवल प्रतियोगिताको १६ औं संस्करण फागनु ५ गते देखि

शनिबार, फागुन ३, २०८१ कञ्चन खवर

३ फागुन, कञ्चन
रुपन्देहीको कञ्चनमा विगत १६ बर्ष अगाडी देखि निरन्तर रुपमा सञ्चालन हुदै आइरहेको कञ्चन कप अन्तर्गतको १६ औं संस्करण यही फागुन ५ गते देखि शुरु हुने भएको छ। कञ्चनका एकमात्र प्रतिस्ठित फुटवल प्रतियोगिताको रुपमा हेरिदै आइरहेको प्रतियोगितामा रुपन्देही, कपिलबस्तुका उत्कृष्ट १० फुटवल टिमहरुले सहभागिता जनाउने भएका छन।
कञ्चन कप २०८१ बारे जानकारी गराउने उद्धेश्यका साथ दियो खेलमैदानमा आयोजना गरिएको पत्रकार सम्मेलन मार्फत प्रतियोगिताबारे हिमालय सामुदायिक बिकास केन्द्र, कञ्चन ४ रुपन्देहीका अध्यक्ष प्रकाश थापाले जानकारी गराउनु भएको हो। प्रतियोगितामा विजेता टिमले २ लाख १ हजार रुपैया र उपविजेता टिमले १ लाख १ हजार रुपैया सहित शिल्ड, मेडल र प्रमाण पत्र पाउने अध्यक्ष थापाले जानकारी दिनु भएको छ। बि.स. २०६६ साल देखि १२ औं संस्करणसम्म हिमालय गोल्डकपको रुपमा सञ्चालन हुदै आएकोमा बि.सं. २०७७ मा प्रतियोगिताको १३ औं संस्करणलाई कञ्चन अध्यक्ष कपको रुपमा सञ्चालन गरिएको थियो।

स्थानीय स्थानीय सरकारको रुपमा रहेको कञ्चन गाउँपालिकाले प्रतियोगिताको अभिभावकत्व ग्रहण गर्न नसकेपछि प्रतियोगिताको १४ औं संस्करण देखि हिमालय गोल्ड कपलाई कञ्चन कपको रुपमा सञ्चालन गर्दै आइरहेको हिमालय सामुदायिक बिकास केन्द्रका अध्यक्ष प्रकाश थापाले जानकारी दिनुभयो। करिब १२ लाख रुपैयाँ खर्च हुने अनुमान गरिएको प्रतियोगितामा सर्वोकृष्ट खेलाडीलाई ७ हजार ५ सय रुपैया, उत्कृष्ट गोल रक्षक, सर्वाधिक गोलकर्ता र उदीयमान खेलाडीलाई जनही ५ हजार ५ सय रुपैया सहित ट्रफीको व्यबस्था गरिएको आयोजकले जनाएको छ।
प्रतियेगितामा सैनामैना कलेज सैनामैना, राजेश स्मृति फाउन्डेसन कपिलवस्तु, देश भक्त एफ. सी. नवलपरासी, चाँदनी युवा क्लब कञ्चन फर्साटिकर एफ.सि. शुद्धोधन, हिमालय एफ.सि. (आयोजक), इभोलुशन क्लब अफ बुटवल, भैरव स्पोर्टस क्लब नवलपरासी, योङ्ग बोईज देवदह, सम्पुर्ण एफ.सि. सुपौलीले सहभागिता जनाउने छन। दियो खेल मैदानमा संचालन हुने उक्त प्रतियोगिताको फाइनल खेल फागुन १४ गते हुने छ।
प्रतियोगिताको व्यवस्थापनका लागि आर्थिक श्रोतबारे पत्रकारहरुले राखेको जिज्ञासाको जवाफमा गाउपालिका, संघ, संस्था र स्थानीयहरुबाट प्राप्त हुने आर्थिक र भौतिक सहयोग नै प्रतियोगिताको मुख्य आर्थिक श्रोत भएको हिमाल सामुदायिक बिकास केन्द्रका अध्यक्ष थापाले व्यक्त गर्नुभयो। प्रतियोगिताको हरेक खेलको म्यान अफ द म्याचका लागि जनही १ हजार १ सय रुपैया र ट्रफी समेत प्रदान गरिने छ।