आठौं चाँदनी कप २०८१ भोली १४ गतेबाट शुरु हुने

खेलकुद

गृहपृष्ठ
खेलकुद
आठौं चाँदनी कप २०८१ भोली १४ गतेबाट शुरु हुने

आठौं चाँदनी कप २०८१ भोली १४ गतेबाट शुरु हुने

आइतबार, असोज १३, २०८१ कञ्चन खवर

१३ असोज, कञ्चन
असोज १० गते देखि शुरु हुने भनिएको आठौं चाँदनी कप २०८१ अविरल बर्षका कारण ४ दिन पछि शुरु हुने भएको छ। चाँदनी युवा क्लव, कञ्चन १ दानापुर रुपन्देहीको आठौं संस्करणको रुपमा संचालन हुन गइरहेको फुटवल प्रतियोगिता भोली असोज १४ गते देखि शुरु हुने भएको हो। अविरल बर्षाका कारण प्रतियोगितालाई प्रभावित पार्नुका साथै खेल मैदानमा समेत पानी जमेका कारण प्रतियोगिताको समय सार्नु परेको चाँदनी युवा क्लवका अध्यक्ष निम प्रसाद थापाले जानकारी दिनु भएको छ।
रुपन्देही कपिलबस्तु र नवलपरासीका १२ फुटवल टिमहरुले प्रतिस्पर्धामा सहभागी हुने उक्त प्रतिययोगिताको पुरस्कार राशी १ लाख ५० हजार रुपैया सहित कप, मेडल र प्रमाण पत्र रहेको छ। प्रतियोगितामा उपविजेता हुने टिमले ७५ हजार रुपैया सहित कप, मेडल र प्रमण पत्र पाउने क्लवका खेल संयोजक रेम बहादुर पुनले जानकारी दिनु भएको छ।
यस्तै प्रतियोगिताको अन्तिम ४ बाट आट हुने दुई टिमले समेत जनही १०,५०० रुपैया प्राप्त गर्ने छन भने प्रतियोगिता अवधीभर उत्कृष्ट खेल प्रदर्शन गर्ने बिभिन्न ५ विधाका खेलाडीहरुले समेत जनही ५ हजार रुपैया सहित ट्रफी र मेडल पाउने खेल संयोजक रेम बहादुर पुनले जानकारी दिनु भएको छ।