रुद्रपुर खानेपानी उपभोक्ता तथा सरसफाई संस्थाको ११ औं बार्षिक उत्सव

समाचार

गृहपृष्ठ
समाचार
रुद्रपुर खानेपानी उपभोक्ता तथा सरसफाई संस्थाको ११ औं बार्षिक उत्सव

रुद्रपुर खानेपानी उपभोक्ता तथा सरसफाई संस्थाको ११ औं बार्षिक उत्सव

शुक्रबार, पुस २३, २०७८ कञ्चन खवर

२३ पुष, कञ्चन
रुद्रपुर खानेपानी उपभोक्ता तथा सरसफाई संस्था,कञ्चन ४ गरगरे रुपन्देहीले संस्था स्थापनाको ११ औं बार्षिक उत्सव भव्यताका साथ मनाएको छ। कार्यक्रममा स्थानिय आमा समूहरु बिच नृत्य प्रतियोगिता सहित राष्ट्रिय कलाकार अर्जुन कौशलको सांगेतिक प्रस्तुति रहेको थियो ।
हरेक बर्ष विभिन्न सांस्कृतिक कार्यक्रम सहित प्रतियोगितात्मक कार्यक्रम सञ्चालन गरी बार्षिक उत्सव मनाउदै आएको रुद्रपुर खानेपानी उपभोक्ता तथा सरसफाई संस्थाले यस बर्षको ११ औं बार्षिक उत्सवमा स्थानिय आमा समूहहरु बिच नृत्य प्रतियोगिता सञ्चालन गरेको थियो । प्रतियोगितामा कञ्चनका १६ स्थानिय आमा समूहहरुले सहभागिता जनाएका थिए ।
प्रतियोगितामा कञ्चन आमा समूह प्रथम भएको छ भने गुरुंग रोधी आमा समूह द्धितिय भएको निर्णायक समितिका संयोजक गिरी प्रसाद पुनले जानकारी दिनु भएको छ। यस्तै नमुना महिला बिकास केन्द्र तृतिय भएको छ भने कृति आमा समूह र जनज्योती आमा समूह सान्त्वना भएका थिए ।

नृत्य प्रतियोगितामा प्रथम भएसंगै कञ्चन आमा समूहले नगद १० हजार रुपैया प्राप्त गरेको छ भने द्धितिय हुने गुरुंग रोधी आमा समूहले ७ हजार रुपैया प्राप्त गर्न सफल भएको छ। यसैगरी प्रतियोगितामा तृतिय हुन सफल नमुना महिला बिकास केन्द्रले नगद ५ हजार रुपैया तथा कृति आमा समूह र जनज्योती आमा समूहले जनही ३ हजार रुपैया प्राप्त गरेको आयोजकले जनाएको छ।
कार्यक्रमका प्रमुख अतिथि तथा कञ्चन गाउपालिकाका अध्यक्ष गोकर्ण बहादुर क्षेत्रीले कञ्चनवासीलाई स्वच्छ र स्वस्थ पानी खुवाउने योजना अनुरुप कञ्चनका ८ वटै खानेपानी उपभोक्ता तथा सरसफाई योजनाहरुमा गाउपालिकाले प्रदेश र संघिय सरकारसंग समन्वय गर्दै आएको बताउनु भयो । प्रष्ट दृष्टिकोण् ।र सोंच भएको व्यक्तिले संस्थाको नेतृत्व लिएको अवस्थामा हरेक संस्थाहरु पारदर्शी र व्यबस्थित रुपमा अगाडी बढ्दै जाने अध्यक्ष क्षेत्रीले बताउनु भयो । रुद्रपुर खानेपानी योजनालाई पर्यटकिय आकर्षणको योजनाको रुपमा अगाडी बढाउने संस्थाको कार्ययोजनालाई गाउपालिकाले आर्थिक र तथा भौतिक रुपमा सहयोग उपलब्ध गराउने अध्यक्ष क्षेत्रीले बताउनु भयो ।
कञ्चन गाउपालिका वडा नं. ५ का वडा अध्यक्ष कृष्ण प्रसाद अधिकारीले शुभकामना मन्तव्य ब्यक्त गर्दै कञ्चनको समुचित बिकासमा रुद्रपुर खानेपानी उपभोक्ता तथा सरसफाई संस्थाको महत्वपुर्ण भुमिका रहेको बताउन भयो । वडा अध्यक्ष अधिकारीले स्वच्छ र स्वस्थ पानी पिउनाले मानविय जिवनको आधा भन्दा बढी रोगहरु निर्मुल हुने भएकोले कञ्चनवासीलाई स्वस्थ र स्वच्छ पानी उपलब्ध गराउन रुद्रपुर खानेपानी उपभोक्ता तथा सरसफाई संस्थाले योजनाबद्ध रुपमा अगाडी बढिरहेको समेत उललेख गर्नु भयो । यस्तै कार्यक्रममा हरैया माध्यमिक विधालयका प्रधानाध्यापक मेघनाथ शर्माले कञ्चनको समृद्धिमा स्थानिय रुपमा कृयाशिल संघसंस्थाहरुको भुमिका महत्वपुर्ण हुने बताउनु भयो । प्रधानाध्यापक शर्माले कुनै पनि ठाउको सभ्यता र संस्कृति कस्तो छ भन्ने कुरा त्यो ठाउमा रहेका विभिन्न संघस्ंस्थाहरुको कृयाशिलता र बानी व्यबहारले प्रष्ट्याउने बताउनु भयो । कञ्चनका हरेक संघसंस्थाहरुले आयोजना गर्ने विभिन्न कार्यक्रमहरुमा स्थानिय संघसंस्थाहरुको उपस्थिती सकारात्मक रहदै आएको र त्यसैको शिलशिला नै रुद्रपुर खानेपानी उपभोक्ता तथा सरसफाई संस्थाले आयेजना गरेको कार्यक्रममा सहभागिता जनाउनु हो प्रधानाध्यापक शर्माले भन्नु भयो ।

राष्ट्रिय कलाकार अर्जुन कौशलद्धारा सांगेतिक प्रस्तुती रहेको कार्यक्रममा खानेपानी तथा सरसफाई डिभिजन कार्यलय, बुटवलका प्रमुख गुणनिधी पोख्रेल,नेपाली कांग्रेस,कञ्चन गाउ कमिटिका सभापति देबिराम रेग्मी, रुद्रपुर सामुदायिक बन उपभोक्ता समूहका अधयक्ष नाम बहादुर के.सी.लगायत वक्ताहरुद्धारा रुद्रपुर खानेपानी उपभोक्ता तथा सरसफाई संस्थाको संस्थागत बिकास र पारदर्शिता तथा उपभोक्तामैत्री बन्नेमा बिश्वास ब्यक्त गरेका थिए ।
संस्थाका अध्यक्ष दिनानाथ आचार्यको अध्यक्षतामा समपन्न कार्यक्रममा उपाध्यक्ष गेम बहादुर थापाले स्वागत गर्नु भएको थियो भने सचिव रेशम थापाले कार्यक्रम सञ्चालन गर्नु भएको थियो ।