महिलाहरुको मात्र लगानीमा रुपन्देहीको तिलोत्तमामा महिला अस्पताल संचालन गरिने

समाचार

गृहपृष्ठ
समाचार
महिलाहरुको मात्र लगानीमा रुपन्देहीको तिलोत्तमामा महिला अस्पताल संचालन गरिने

महिलाहरुको मात्र लगानीमा रुपन्देहीको तिलोत्तमामा महिला अस्पताल संचालन गरिने

मंगलबार, साउन १२, २०७८ कञ्चन खवर

१२ साउन,बुटवल
रुपन्देहीको तिलोत्तमामा महिलाहरुको मात्र लगानीमा महिला तथा बालबालिका मैत्री अस्पताल बन्ने भएको छ । आगामि ७ महिना भित्र सञ्चालनमा ल्याउने गरी निर्माण शुरु गरिएको उक्त अस्पतालमा यस क्षेत्रका २० जना महिला सेयर सदस्य रहेका छन । महिला अस्पतालमा महिला मात्रै सेयर सदस्य रहेका छन् ।
३ करोड बढीको लगानी रहने गरी पहिलो चरणमा १५ बेडको अस्पताल निर्माण गर्ने गरी काम अगाडि बढाईएको सस्थाका प्रबन्ध निर्देशक कमला मल्ल हमालले जानकारी दिएका छन ।
तिलोत्तमा बडा नम्बर ४ भक्तपुर टोलमा निर्माण हुने अस्पतालको लुम्बिनी प्रदेशका उद्योग मन्त्री कल्पना पाण्डेले शनिवार सिलान्यास गर्दैै महिलाहरुको लगानीमा स्वास्थ्य सेवा प्रदान गर्ने गरि संचालन गर्ने अस्पतालको बिकासका लागि प्रदेश सरकारका तर्फवाट सक्दो सहयोग गर्ने बताएका थिए । उनले समयमै निर्माण सम्पन्न गरि अस्पतालले महिला र बालबालिकाका लागि उत्कृष्ट स्वास्थ्य सेवा प्रदान गर्न संचालकहरु सम्वेदशिल हुन जरुरी रहेको औलाएका छन ।
अस्पताल महिला जनशक्तिबाट सुचारु गर्ने गरी व्यवस्थापन गरिने सचिव उमा अर्यालले जानकारी दिए ।

प्रकाशित मिति: मंगलबार, साउन १२, २०७८ ०७:११

प्रतिक्रिया दिनुहोस्