आज देश भरका ६२ देखि ६४ उमेर समूहकालाई भेरोसिल खोप लगाइदिदै

समाचार

गृहपृष्ठ
समाचार
आज देश भरका ६२ देखि ६४ उमेर समूहकालाई भेरोसिल खोप लगाइदिदै

आज देश भरका ६२ देखि ६४ उमेर समूहकालाई भेरोसिल खोप लगाइदिदै

2078/02/25 कञ्चन खवर

२५ जेठ,कञ्चन
आज देशभरका ६२ देखि ६४ बर्षका जेष्ठ नागरिकहरुलाई पहिलो डोज अन्तर्गतको भेरोसिल खोप लगाइदैछ। कोभिड १९ बिरुद्धको खोपको रुपमा बिकास गरिएको उक्त भेरोसिल खोप छिमेकी देश चिनले सहयोगको रुपमा १० लाख डोज लगाइन लागेको हो ।
आज रुपन्देहीको १६ स्थानिय तहका ६९ खोप केन्द्रमा १४ हजार ५५ जनालाई भेरोसिल खोप लगाइने जिल्ला स्वास्थ्य कार्यलय,रुपन्देहीका प्रमुख राजेन्द्र गिरीले बताएका छन। कञ्न गाउपालिकाको रुद्रपुर स्वास्थ्यचौकी र गजेडी स्वास्थ्य चौकीमा गरी दुई वटा खोप केन्द्रमा ५ सय २७ जनामा खोप लगाइने कञ्चन गाउपालिकाका स्वास्थ्य शाखा प्रमुख राम प्रसाद गौतमले जानकारी दिएका छन।
यस्तै गैडहवा गाउपालिकाको सूर्यपुरा स्वास्थ्यचौकी, कर्महवा स्वास्थ्य चौकी र सांडी म.बि. गरी ३ वटा खोप केन्द्रमा ७ सय ५२ जनालाई खोप लगाइने गैडहवा गाउपालिकाका स्वास्थ्य शाखा प्रमुख बिष्णु प्रसाद उपाध्यायले जानकारी दिएका छन भने सेनामैना नगरपालिकाको पर्होरा स्वास्थ्य चौकी,दुधराक्ष स्वास्थ्यचौकी र सालझण्डी स्वास्थ्य चौकीमा गरी ३ वटा खोप केन्द्रमा ९ सय १५ जनामा खोप लगाइने सैनामैना नगरपालिकाका स्वास्थ्य शाखा प्रमुख हेमराज पन्थीले जानकारी दिएका छन । सैनामैनामा सरकारले निर्धारण गरेको उमेर समूहलाई मात्र खोप दिने हो भने पनि २ हजार भन्दा बढी खोपको आवस्यक पर्ने स्वास्थ्य शाखा प्रमुख पन्थीले बताए ।
आज ६२ देखि ६४ उमेर समूहका बाहेकका अग्रमोर्चामा रहेर काम गर्ने र पहिलो चरणमा खोप लगाउन छुटेका स्वास्थ्यकर्मी,संचारकर्मी र सुरक्षाकर्मीहरुलाई समेत पहिलो डोजको रुपमा भेरोसिल खोप लगाइने छ।

हिमाली जिल्लाका तिब्बतसँग सीमा जोडिएका पालिकामा भने १८ वर्षदेखि माथिका सबैलाई खोप लगाइने छ । हिमाली क्षेत्रमा पटक-पटक खोप पुर्याउन गाह्रो हुने भएकाले १८ वर्ष माथिकालाई नै खोप लगाइने भएको हो । डाक्टर गौतमले खोप लगाउन जाँदा उमेर खुल्ने प्रमाणपत्र लिएर केन्द्रमा जानसमेत आग्रह गरे । पहिलो र दोस्रो चरणमा गरी चीनले नेपाललाई अनुदानमा १८ लाख डोज खोप दिएको छ ।

प्रकाशित मिति: मंगलबार, जेठ २५, २०७८ ०८:१८

यो समचार पढेर तपाईले कस्तो महसुस गर्नुभएको छ ?

खुसी