तिनाउ नदी संरक्षणका लागि साझा प्रतिवद्वता

समाचार

गृहपृष्ठ
समाचार
तिनाउ नदी संरक्षणका लागि साझा प्रतिवद्वता

तिनाउ नदी संरक्षणका लागि साझा प्रतिवद्वता

शनिबार, पुस १३, २०८१ कञ्चन खवर

१३ पुस, बुटवल
"तिनाउ नदी संरक्षणका लागि हाम्राे प्रतिवद्वता कार्यक्रम"पाल्पा,तिनाउ, दाेभानकाे डाेलमा शनिवार सम्पन्न भएको छ। तिनाउ नदीमा विष,विषादी,विद्युत धाराप्रवाह र विफाेष्टक पदार्थकाे अवाञ्छित प्रयाेग हुन नदिनका लागि उपस्थित सबैले प्रतिवद्वता जनाउँदै हस्ताक्षर गरेका छन् ।
कार्यक्रममा प्रमुख अतिथिका रुपमा तिनाउ गाउँपालिका अध्यक्ष प्रेम श्रेष्ठले तिनाउ नदीमा हुने र हुन सक्ने अवाञ्छित क्रियाकलापलाई राेक्न पालिका प्रतिवद्व रहेकाे बताउँदै तिनाउ नदी हामी सबैकाे साझा प्राकृतिक सम्पदा रहेकाेले सबैले जाेगाउनु पर्ने बताउनु भयो। गैरजिम्मेवारी काम गर्नेहरुलाई कानून अनुसार कार्वाही हुने चेतावनी समेत अध्यक्ष शरेष्ठले दिनु भयो ।
उक्त कार्यक्रमका विशिष्ट अतिथि तिनाउ गाउँपालिकाका उपाध्यक्ष लालबहादुर थापाले तिनाउ नदीमा अवाञ्छित कामका रुपमा बम पड्काउने,विजुलीकाे तार प्रयाेग गर्ने र विषादीकाे प्रयाेग गरि माछा मार्ने कामलाई कुनै हालतमा वैधानिक मान्न नसकिने बताउँदै कानूनलाई हातमा लिनेहरुलाई प्रहरी प्रशासनसँग मिलेर कार्वाही गर्न पालिका पछाडि नहट्ने बताउनु भयो।

साे कार्यक्रममा दाेभान प्रहरी चाैकीका ईन्चार्ज जनकबहादुर बुढामगरले प्रहरीलेमात्र समुदायमा घट्ने वा घट्न सक्ने दुर्घटनालाई न्यूनीकरण गर्न सम्भव नभएकाे बताउँदै स्थानीय सबै संस्था र व्यक्तिहरुसँग मिलेर नै तिनाउ नदीमा हुने गैरकानुनी कामलाई राेक्न दाेभान प्रहरी चाैकी क्रियाशील र सामर्थ्यवान रहेकाे बताउनु भयो। वहाले कानूनकाे नजरमा दाेषीलाई प्रहरीले कुनै हालतमा नछाड्ने र कानूनकाे कठघरामा उभ्याउने प्रतिवद्वता जनाउनु भयो।
कार्यक्रममा सामुदायिक वन समन्वय समिति,तिनाउका अध्यक्ष दलबहादुर गुरुङले तिनाउ नदीलाई स्वच्छ र सुन्दर बनाउन सबै तिनाउबासी जागरुक हुनुपर्ने बताउदै तिनाउ नदीलाई संरक्षण र सम्बर्द्वन गर्दै पछिल्लाे नयाँ पुस्तालाई उत्तम रुपमा हस्तान्तरण गर्नु आजकाे दायित्व रहेकाे ओैल्याउनु भयो। अध्यक्ष गुरुङ्गले तिनाउ नदी संरक्षणका लागि हाम्राे प्रतिवद्वता जरुरी रहेकाे बताउँदै तिनाउलाई दीर्घकालसम्म जीवित राख्न सक्दाे पहल गर्नुपर्ने उल्लेख गर्नु भयो ।
समितिका वरिष्ठ उपाध्यक्ष प्रेम पाण्डेयले स्वागत तथा कार्यक्रमकाे ओैचित्यततामा प्रकाश पार्नु भएको थियो भने कार्यक्रमकाे सञ्चालन महासचिव गणेश रास्काेटीले गर्नु भएको थियो।।