रुद्रपुर मा.वि.को स्वर्ण महोत्सवको अवसरमा पुर्व विद्यार्थी समाजद्वारा निःशुल्क स्वास्थ्य शिविर

समाचार

गृहपृष्ठ
समाचार
रुद्रपुर मा.वि.को स्वर्ण महोत्सवको अवसरमा पुर्व विद्यार्थी समाजद्वारा निःशुल्क स्वास्थ्य शिविर

रुद्रपुर मा.वि.को स्वर्ण महोत्सवको अवसरमा पुर्व विद्यार्थी समाजद्वारा निःशुल्क स्वास्थ्य शिविर

बिहीबार, पुस ११, २०८१ कञ्चन खवर

११ पुस, कञ्चन
श्री रुद्रपुर माध्यमिक विद्यालय, कञ्चन ४ अस्नैया रुपन्देहीको ५० औं वार्षिक उत्सव तथा स्वर्ण महोत्सवको अवसरमा उक्त विद्यालयको पुर्व विद्यार्थीहरुको संजाल पुर्व विद्यार्थी समाजद्वारा एकदिने निःशुल्क स्वास्थ्य शिविर संचालन गर्ने भएको छ।
उक्त शिविरमा विद्यार्थी, अभिभावक, शिक्षक, कर्मचारी तथा स्थानीयहरुको सुगर, प्रेसर तथा मुटु सम्बन्धी सम्पूर्ण रोगहरुको निःशुल्क परिक्षण गरिने पुर्व विद्यार्थी समाजका शान्ती थापाले जानकारी दिनु भएको छ। सुगर, प्रेसर तथा मुटु सम्बन्धी सम्पूर्ण रोगको विशेषज्ञ चिकित्सकद्वारा जाँच गरिने उक्त शिविरमा पिसाब, मृगौला र सुगर समेत परीक्षण गरिने आयोजकले जनाएको छ।
विद्यालयको स्वर्ण महोत्सवको अवसरमा संचालन गरिने उक्त शिविरमा स्थानीय रुद्रपुर युवा क्लब, कल्याणकारी आमा समुह र मनकामना आमा समुहसंगको सहकार्य रहने छ भने मनमोहन कार्डियोथोरासिक भास्कुलर सेन्टर र काठमाडौं जयन्ती मेमोरियल ट्रस्टको प्राविधिक तथा बिशेषज्ञ चिकित्सकहरुको सहयोग हुने छ।
यही पुस २० गते शनिवार संचालन गरिने शिविरका लागि कञ्चन गाँउपालिका र होप फर चिल्ड्रेन, नेपालसंगको समन्वय रहने छ। विद्यालयको स्वर्ण महोत्सवलाई व्यापक बनाउन विद्यालयका पुर्व विद्यार्थी डा. सुमन आचार्यको संयोजकत्वमा पुर्व विद्यार्थी समाज, रुद्रपुर मा.वि. समेत गठन भएकौ छ।
"विना शिक्षा अध्याँरो समाज, घर घरमा पुर्याऔं प्राविधिक शिक्षाको आवाज" भन्ने नारा सहित रुद्रपुर माध्यमिक विद्यालयले विद्यालयको स्वर्ण महोत्सव मनाउन गइरहेको छ। यही पुस २२ गते देखि २६ गतेसम्म संचालन हुने स्वर्ण महोत्सवको अवसरमा विभिन्न समयमा विद्यालयको भौतिक, शैक्षिक तथा आर्थिक सहयोग गर्ने अभिभावक, शिक्षक, कर्मचारी, चन्दादाता, अक्षयकोष निर्माता, विभिन्न क्षेत्रमा शैक्षिक रुपमा सफलता हासिल गरी विभिन्न तहमा पुग्न सफल पुर्व विद्यार्थीहरुलाई सम्मान गर्ने कार्यक्रम रहेको विद्यालयले जनाएको छ।
विद्यालयमा प्राविधिक शिक्षा संचालनार्थ विद्यालयको पुर्वाधार निर्माण गर्न विद्यालयका सल्लहाकार रुम बहादुर फौजाको संयोजकत्वमा आर्थिक संकलन उप समिति गठन गरि आर्थिक सहयोग संकलन अभियान समेत कञ्चनभरी नै संचालन गरेको छ।
स्वर्ण महोत्सवलाई भव्य र सभ्य रुपमा सम्पन्न गर्न विद्यालय व्यबस्थापन समितिका अध्यक्ष चिरञ्जीवी खनालको संयोजकत्वमा रुद्रपुर माध्यमिक विद्यालय स्वर्ण महोत्सव मुल आयोजक समिति समेत यस अघि नै गठन गरिसकेको छ।

प्रकाशित मिति: बिहीबार, पुस ११, २०८१ ०६:५१