नेपाल पत्रकार महासंघ रुपन्देहीमा दिनेश पाण्डेको प्यानल विजयी, दलिय घेराबन्दी तोड्ने कोशिशमा सफल भएं-अनमोल

समाचार

गृहपृष्ठ
समाचार
नेपाल पत्रकार महासंघ रुपन्देहीमा दिनेश पाण्डेको प्यानल विजयी, दलिय घेराबन्दी तोड्ने कोशिशमा सफल भएं-अनमोल

नेपाल पत्रकार महासंघ रुपन्देहीमा दिनेश पाण्डेको प्यानल विजयी, दलिय घेराबन्दी तोड्ने कोशिशमा सफल भएं-अनमोल

शनिबार, मंसिर २९, २०८१ कञ्चन खवर

२९ मंसिर। कञ्चन
हिजो सम्पन्न भएको नेपाल पत्रकार महासंघ रुपन्देहीको निर्वाचनमा प्रेस युनियन र प्रेस चौतारीका साझा उमेद्वार दिनेश पाण्डेयको प्यानल विजयी भएको छ। हिजो राती अवेर सम्पन्न मत परिणाम अनुसार पाण्डेयले ९५ मत प्राप्त गरी विजयी भएका हुन भने निकत्तम प्रतिद्वण्दी रहेका विनोद परियारले ७७ मत प्राप्त गरेका छन। यस्तै स्वतन्त्र पत्रकारहरुको नेतृत्व गरी रुपन्देहीको अध्यक्षमा उमेद्वार दिएकी अमृता अनमोल पाण्डेयले ५९ मत प्राप्त गरेका थिए।
निकै कडा प्रतिस्पर्धाको रुपमा रहेको निर्वाचन मत परिणामले नेपाल पत्रकार महासंघलाई दलगतको रुपमा नभई स्वतन्त्र पत्रकारहरुप्रति बिश्वास बढ्दै गइरहेको उल्लेखित मत परिणामले देखाएको छ। दुई ठूला शासक दलहरु सम्बद्ध प्रेस युनियन र प्रेस चौतारीको गठबन्धन र ५ दल सम्बद्ध समाजवादी प्रेस संगठन, प्रगतीशिल पत्रकार संघ, जन पत्रककार संघ, प्रेस सेन्टर र क्रान्तीकारी पत्रकार संघको गठबन्धनका नेतृत्वले पाएको मत भन्दा स्वतन्त्र रुपमा रुपन्देहीको नेतृत्वका लागि स्वतन्त्र उमेद्वारी दिएकी अमृता अनमोलको मत बढी देखिन्छ।
अन्तिम मत परिणाम पश्चात अध्यक्ष पदमा स्वतन्त्र उमेद्वार दिएकी अमृता अनमोलले ठुला दल एकातिर र ५ दलिय गठबन्धन अर्कोतिर भएर दलिय भागबन्डा लगाएको पत्रकार महासघ रुपन्देहीमा एक श्रमजीवी पत्रकार महिलाले एक्लै चुनौती दिन सफल भएको प्रतिकृया जनाएकी दिन। आफ्नो सामाजिक सञ्जाल फेसबुक मार्फत पाण्डेयले "ठुला दल एकातिर र ५ दलिय गठबन्धन अर्कोतिर भएर दलिय भागबन्डा लगाएको पत्रकार महासघ रुपन्देहीमा एक श्रमजीवी पत्रकार महिलाले एक्लै चुनौती दिदै चुनावी मैदानमा उत्रिदा पनि दुई ठुला दलले ९५, र ५ दलको ७७ ल्याउदा मेरो ५९ मत आयो । महिला र श्रमजीवीलाई नेतृत्वमा जान रोक्ने दलिय घेराबन्दी तोड्ने कोशिश गरेँ ।" भन्दै संक्षिप्त प्रतिक्रिया व्यक्त गरेकी छिन।
अनमोलले पटक पटकका धम्की घेराबन्दी, डर र त्रासका बिच आफुलाई मत दिने मतदाता पत्रकारहरुलाई धन्यवाद सहित हार्दिक आभार समेत प्रकट गरेकी छिन। अनमोल यस अघि नेपाल पत्रकार महासंघ रुपन्देहीको उपाध्यक्ष र प्रेस चौतरीको केन्द्रिय सदस्य थिइन। पार्टी र संगठनको निर्देशन विपरीत पत्रकार महासंघको चुनावमा वागी उमेद्वार दिई संगठनको अनुशासन उल्लंघन गरेको भन्दै अनमोलाई संगठनको साधारण सदस्य समेत नरहनेगरी प्रेस चौतारीले प्रेस बिज्ञप्ती मार्फत निस्काशन गरि कार्वाही गरिसकेको छ।

प्रकाशित मिति: शनिबार, मंसिर २९, २०८१ ०६:२६