बुटवलमा मगरघाटमा गाडिएको त्रिशूल र त्रिशूलचोकबारे छलफल

समाचार

गृहपृष्ठ
समाचार
बुटवलमा मगरघाटमा गाडिएको त्रिशूल र त्रिशूलचोकबारे छलफल

बुटवलमा मगरघाटमा गाडिएको त्रिशूल र त्रिशूलचोकबारे छलफल

आइतबार, असोज ६, २०८१ कञ्चन खवर

६ असोज, बुटवल
बुटवल स्थित अमर भवनमा नेपाल मगर पत्रकार संघ रुपन्देहीको समन्वयमा तिलोत्तमा ३ स्थित मगरघाटमा राखिएको त्रिशुल र उक्त स्थानको नाम त्रिशूल चोकबारे शनिवार बिशेष छलफल भएको छ। छलफलमा नेपाल मगर संघ रुपन्देहीका उपाध्यक्ष थर्क बहादुर बाह्रघरे, नेपाल मगर संघ बुटवल समितिका अध्यक्ष बसन्ती साठीघरे, नेपाल मगर युवा संघ रुपन्देहीका अध्यक्ष हेमन्त बुढाथोकी, लुम्बिनी प्रदेश संचार समन्वय परिषदका संयोजक तथा सामुदायिक रेडियो प्रसारक संघ केन्द्रिय समितिका उपाध्यक्ष मिलन गाहा, फोनिज रुपन्देहीका अध्यक्ष सनु थापा, सरु राना, प्रविन गाहा, नेपा महिला संघ रुपन्देहीका कोषाध्यक्ष आकृति थापा, नेपाल मगर युवा संघका केन्द्रिय महासचिव राम बहादुर अस्लामी, फोनिजका केन्द्रिय सदस्य लोकनेश ढेंगा मगर लगायत रुपन्देहीमा क्रियाशिल मगर पत्रकारहरुको सहभगिता रहेको थियो।
छलफलमा नेपाल मगर संघ रुपन्देहीका उपाध्यक्ष थर्क बहादुर बाह्रघरेले मगरघाटमा राखिएको त्रिशूल व्यक्तीगत नभई व्यक्तिीलाई अगाडी सारेर नियोजित भएको बतउाु भएको छ। त्रिशूल गाडेर मगरहरुको अस्तित्वमाथी धावा बोल्छन भने हामीले त्यो भन्दा अग्लो स्तम्भ बनाएर मगरघाट लेख्नु पर्ने र मगरघाटको अस्तित्व बचाउन सबै मगरहरु एक भएर प्रतिकारमा उत्रिनुको बिकल्प नरहेको बाह्रघरेले बताउनु भयो।
लुम्बिनी प्रदेश संचार समन्वय परिषदका संयोजक तथा सामुदायिक रेडियो प्रसारक संघ केन्द्रिय समितिका उपाध्यक्ष मिलन गाहाले स्थानीयहरुसंग समन्वय गरी उक्त स्थानमा राखिएको त्रिशुल र नामाकरण हटाउन मगरघाट ब्यबस्थापन परिषदको सहकार्यमा नेपाल मगर संघ रुपन्देहीले पहल गर्नु पर्ने बिचार ब्यक्त गर्नु भएको थियो ।
नेपाल मगर संघ बुटवलका बसन्ती साठीघरेले उक्त मगरघाट निर्माणका लागि नेपाल मग संघ बुटवलको लगानी भएकोले बुटवल नगर समिति टुलु टुलु हेरर नबस्ने र मगरघाटको अस्तित्व कायम गर्न आफुले जुनसुकै कदम चाल्न सम्पुर्ण मगरहरुलाई मगरघाटमा भेला गराएर आन्दोलन गर्न तयार भएको बताउनु भयो।
यस्तै नेपाल मगर युवा संघ रुपन्देहीका अध्यक्ष हेमन्त बुढाथोकीले त्रिशूल उखेलेर फाल्ने र मगरघाट स्तम्भ बनाएर मगरको अस्तित्व बचाउन संघर्ष गर्नु पर्नेमा जोड दिनु भएको छ। नेपाल मगर युवा संघका केन्द्रिय महासचिव राम बहादुर अस्लामीले जहाँ जहाँ मगर मगरहरुको पहिचान जोड्ने स्थान र अस्तित्वहरुलाई नामेट बनाउन पहिचान विरोधी र एकात्मक शासकहरु सुनियोजित रुपमा लागिरहेको बताउनु भयो।
फोनिज केन्द्रिय सदस्य लोकनेश ढेंगा मगर मगरहरुको अस्तित्वसंग जोडिएका बिभिन्न स्थानहरुको नामाकरण फेर्नलाई ब्राह्मणवादी राज्यसत्ताको सुनियोजितलाई तोड्न पत्रकारहरुको भुमिका अझ जिम्म्वार र सम्बेदनशिल भएर समाचार लेख्नु पर्नेमा जोड दिनु भयो।
फोनिज रुपन्देहीका सनु थापाले मगरघाटमा त्रिशूल गाडेर त्यो ठाउँको नामलाई नामेट पार्नेगरी त्रिशूलचोक राखेको एक महिना भन्दा बढी हुँदा समेत मगरघाट ब्यबस्थापन समिति मौन बस्नु गैर जिम्मेवारीपन भएकोले सबै एक भएर मगरघाट बचाउ अभियान संचालन गर्नु पर्नेमा जोड दिनु भएको थियो।
छलफलमा फोनिज केन्द्रिय उपाध्यक्ष सरु रानाले आर्यघाटमा कसैको विमत्ती र टाउको दुखाइको बिषय नबन्ने तर मगरहरुको लगानी र नेतृत्वमा निर्माण गरिएको मगरघाटसंग किन टाउको दुखाईको बिषय बन्दैछ भन्ने मगर अगुवाहरुको चिन्तालाई चिन्तनमा परिणत गर्न आवस्यक रहेको बताउनु भयो। मगरघाटको संरक्षण र पहिचानका लागि सबै मगरहरु एक भएर लाग्नु पर्ने पत्रकार सरु रानाले बताउनु भयो।
नेपाल मगर पत्रकार संघ रुपन्देहीको सहजिकरण्णमा भएको छलफलमा पत्रकार मिन राना, प्रविन गाहा, आकृति थापा मगर लगायतले सहभागी भएको थिए।

प्रकाशित मिति: आइतबार, असोज ६, २०८१ ०६:३६

प्रतिक्रिया दिनुहोस्