हरैया बहुमुखी क्याम्पस संचालक समितिका लागि हुने चुनाव बिरुद्ध रास्वपाको विज्ञप्ती

समाचार

गृहपृष्ठ
समाचार
हरैया बहुमुखी क्याम्पस संचालक समितिका लागि हुने चुनाव बिरुद्ध रास्वपाको विज्ञप्ती

हरैया बहुमुखी क्याम्पस संचालक समितिका लागि हुने चुनाव बिरुद्ध रास्वपाको विज्ञप्ती

शनिबार, साउन २६, २०८१ कञ्चन खवर

२६ साउन, कञ्चन
राष्ट्रिय स्वतन्त्र पार्टी, कञ्चनले हरैया बहुमुखी क्याम्पस संचालक समिति गठनका लागि हुन लागेको चुनावका बिरुद्ध प्रेस विज्ञप्ती जारी गरेको छ। शैक्षिक संस्थाहरुमा राजनीतिकरण गरिएको भन्दै रास्वपा, कञ्चनका संयोजक प्रेम पोख्रेलद्वारा हस्ताक्षरित विज्ञप्ती प्रकाशित भएको हो।
क्याम्पस व्यवस्थापन समितिको चयन गरी क्याम्पसलाई अझ व्यवस्थित गरी लैजाने अवस्थामा यहाँको स्थानीय सरकार तथा केही सरोकारवाला निकाय तथा केही राजनैतिक दलको दम्भ र गैर जिम्मेवारीपनले गर्दा यस पवित्र शैक्षिक संस्थालाई राजनैतिक अखडा बनाइएको बिज्ञप्तीमा उल्लेख छ। बिज्ञप्तीमा भनिएको छ कञ्चन गाउँपालिका वडा न. ३ हरैयामा रहेको हरैया बहुमुखी क्याम्पस कञ्चन गाउँपालिकाकै एक मात्र क्याम्पस रहेको र यस क्याम्पसको स्थापना यस क्षेत्रका शिक्षाप्रेमी, बुद्धिजिवी, समाजसेवी लगायत सहयोगी दाताहरुको सहयोगबाट भएको सम्पूर्णलाई विदितै छ।
रुपन्देही र कपिलवस्तु जिल्ला लगायत अन्य विभिन्न जिल्लाबाट आई यस क्याम्पसमा अध्ययन गर्ने विद्यार्थीहरु नै यस क्याम्पसको प्रमुख आयस्रोत रहेको यस शैक्षिक संस्थामा हाल क्याम्पस व्यवस्थापन समितिको चयन गरी क्याम्पसलाई अझ व्यवस्थित गरी लैजाने अवस्थामा यहाँको स्थानीय सरकार तथा केही सरोकारवाला निकाय तथा केही राजनैतिक दलको दम्भ र गैर जिम्मेवारीपनले गर्दा यस पवित्र शैक्षिक संस्थालाई राजनैतिक अखडा बनाइएको तितो यथार्थले गर्दा सर्वत्र चिन्ताको विषय बनेको बिज्ञप्तीमा उल्लेख गरिएको छ।
हरैया बहुमुखी क्याम्पस संचालक समिति गठन प्रकृयाका लागि साउन २३ गते देखि निर्वाचन समय तालिका प्रकाशित भई उमेद्वारी समेत मनोनयन भइसकेको छ। रास्वपाले शैक्षिक संस्था जस्तो विद्या आर्जन गर्ने पवित्र संस्थालाई यहाँका केही राजनैतिक दलहरुले शक्ति र सत्ताको आडमा राजनिती गर्ने अखडा बनाइनु अत्यन्तै दुःखको कुरा भएको उल्लेख गर्दै प्रेस बिज्ञप्ती जारी गरेको हो। बिज्ञप्तीमा भनिएको छ यहाँका सम्पुर्ण राजनैतिक दल, शिक्षाप्रेमी, समाजसेवी, बुद्धिजिवीहरुको माझमा सम्पूर्णको समझदारीमा हामीले अनेकौं प्रयास गर्दा पनि सर्वसम्मत रुपमा व्यवस्थापन समिति निर्माण हुन नसक्नु भनेको केही राजनैतिक दलको दम्भ र घमण्ड नै हो भन्दा अत्युक्ति नहोला। शिक्षा र शैक्षिक संस्थालाई खेलवाडको रुपमा हेर्दा नजिकैको छिमेकी देशमा आज जुन परिस्थिती सिर्जना भएको छ त्यस्तो परिस्थिती हाम्रो देशका शैक्षिक संस्थाहरुमा नआओस भनि कामना पनि गर्दछौं।
बिज्ञप्तीमा भोलिका दिनमा यो शैक्षिक संस्था राजनैतिक क्रिडा स्थल नबनोस भन्दै संस्थाको उन्नती, प्रगति र यो शैक्षिक संस्था राजनैतिक मुक्त क्षेत्र बनाउन गम्भिर ध्यानाकर्षण गराइएको छ। साथै जुनसुकै प्रणालीबाट क्याम्पस संचालक समितिको गठन भएपनि क्याम्पसको उन्नती र प्रगतिका लागि राष्ट्रिय स्वतन्त्र पार्टीबाट हरतरहको सहयोग हुने कुराको प्रतिवद्धता पनि विज्ञप्तीमा उल्लेख गरिएको छ।