सेयर बजारमा पहिरो,नेप्से २७ सय विन्दुमा झर्‍याे

आर्थिक

गृहपृष्ठ
आर्थिक
सेयर बजारमा पहिरो,नेप्से २७ सय विन्दुमा झर्‍याे

सेयर बजारमा पहिरो,नेप्से २७ सय विन्दुमा झर्‍याे

आइतबार, फागुन १, २०७८ कञ्चन खवर

०१ फागुन,कञ्चन ।

यस महिनाको पहिलो कारोबार दिन आज (आइतबार) सेयर बजारमा पहिरो गएको छ । नेप्से परिसूचकमा गिरावट आउँदा ५ वटाबाहेक सबैको मूल्य घटेको छ ।

नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक १०१.२४ अंकले घटेर २७००.३२ विन्दुमा झरेको छ । नेप्से ३.६१ प्रतिशतले घटेको हो । यस्तै, सेन्सेटिभ परिसूचक पनि १५.६२ अंकले घटेर ५११.६६ विन्दुमा झरेको छ ।

कूल २२७ वटा कम्पनीको १ करोड १६ लाख ६१ हजार ६ सय ३९ कित्ता सेयर खरिदबिक्री हुँदा ५ अर्ब ९७ करोड ७२ लाख १४ हजार ७ सय ३० रूपैयाँ बराबरको कारोबार भएको नेप्सेले जनाएको छ ।

स्टकका अनुसार कारोबार भएका कूल १३ उपसमूहमध्ये आज सबै उपसमूहको सेयर घटेको छ । आज सबैभन्दा धेरै हाइड्रोपावर समूह घटेको छ ।
आइतबार अपर तामाकोशी हाइड्रोपावर लिमिटेडको सर्वाधिक कारोबार भएको छ । आज हाइड्रोपावरको ३२ करोड ८४ लाख ८ हजार ९ सय ४४ रूपैयाँको कारोबार भएको हो ।

आज सर्वाधिक इकाईमूल्य बढ्ने कम्पनीहरुको पहिलो एनआईबिएल समृद्धि फण्ड रहेको छ । फण्डको इकाईमूल्य आज १.९४ प्रतिशतले बढेर ९ रूपैयाँ ४८ पैमामा अन्तिम कारोबार भएको छ ।

यस दिन अपर तामाकोशी हाइड्रोपावर लिमिटेडका लगानीकर्ताहरूले सबैभन्दा धेरै गुमाएका छन् । आज हाइड्रोपावरको सेयरमूल्य ८.३७ प्रतिशतले घटेर ६ सय ४६ रुपैयाँमा अन्तिम कारोबार भएको छ ।

प्रकाशित मिति: आइतबार, फागुन १, २०७८ २०:०६

प्रतिक्रिया दिनुहोस्