कर्नाटकको अस्पतालमा अक्सिजन अभाव हुँदा १२ जना कोरोना सङ्क्रमितको ज्यान गयो

अन्तराष्ट्रिय

गृहपृष्ठ
अन्तराष्ट्रिय
कर्नाटकको अस्पतालमा अक्सिजन अभाव हुँदा १२ जना कोरोना सङ्क्रमितको ज्यान गयो

कर्नाटकको अस्पतालमा अक्सिजन अभाव हुँदा १२ जना कोरोना सङ्क्रमितको ज्यान गयो

2021-5-3 कञ्चन खवर

२० बैशाख, भारत ।
भारतको कर्नाटक राज्यको एक अस्पतालमा अक्सिजनको अभाव हुँदा १२ जना कोरोना सङ्क्रमितको ज्यान गएको छ । चामाराजानगर इन्टिच्युट अफ मेडिकल साइन्समा अक्सिजन अभाव हुँदा १२ जनाको ज्यान गएको समाचार संस्था एएनआईले जनाएको छ ।
अस्पतालमा अरू ११ जनाको पनि आइतवार (हिजो) राति ज्यान गएको र यसको कारण अक्सिजनको कमी थियो या अरू नै हो भन्ने विषयमा अनुसन्धान भइरहेको खबरमा उल्लेख छ ।
इन्टिच्युटका महाप्रबन्धक सञ्जीवका अनुसार आइतवार राति १२ बजेदेखि २ बजेको बीचमा अक्सिजन सकिएको थियो। आफूहरूले बिरामीलाई बचाउने कोसिस गर्दा गर्दै पनि क्षति रोक्न नसकिएको डाक्टरले बताएका छन् । ज्यान गुमाउनेहरू सबैको भेन्टिलेटरमा राखेर उपचार भइरहेको थियो। अस्पतालले ६० किलोमिटर टाढा रहेको मैसुर सहरबाट अक्सिजन आपूर्ति गर्दै आएको थियो, हिजो अक्सिजन सिलिन्डर पु¥याउन केही ढिलाइ हुँदा १२ जनाको ज्यान गएको खबरमा उल्लेख छ ।

-एजेन्सी

प्रकाशित मिति: सोमबार, वैशाख २०, २०७८ १५:४७

प्रतिक्रिया दिनुहोस्