शिक्षकहरुको आन्दोलनबाट बालेन हर्षित, जरिवाना नभई चेतना खोजेको हो : बालेन

समाचार

गृहपृष्ठ
समाचार
शिक्षकहरुको आन्दोलनबाट बालेन हर्षित, जरिवाना नभई चेतना खोजेको हो : बालेन

शिक्षकहरुको आन्दोलनबाट बालेन हर्षित, जरिवाना नभई चेतना खोजेको हो : बालेन

बिहीबार, चैत २१, २०८१ कञ्चन खवर

२१ चैत्र, काठमाडौँ
काठमाडौँ महानगरपालिकाका प्रमुख बालेन्द्र शाह (बालेन) ले शिक्षकहरूबाट हर्षित हुदै शिक्षकहरुलाई धन्यवाद दिनुभएको छ। बुधवार देखी राजधानी केन्द्रित रहेर आन्दोलन शुरु गरेका शिक्षकहरूले फोहोर नगरीकन कार्यक्रम गरेको प्रति हर्षित हुदै महानगर प्रमुख बालेनले आन्दोलनरत शिक्षकहरूलाई धन्यवाद दिनु भएको हो।
बालेनले काठमाडौँ महानगरले जरिवाना नभई चेतना खोजेको र त्यसमा शिक्षकको भूमिका अझ महत्त्वपूर्ण हुने उल्लेख गर्नु भएको हो। महानगर प्रमुख बालेनले शिक्षकहरूलाई सम्बोधन गर्दै लेख्नु भएको छ ु ‘प्रिय शिक्षकहरू, तपाईँहरूले आफ्नो आन्दोलन फोहोर नगरी, केही नभत्काई गरी दिनुभयो, धन्यवाद। हामीले जरिवाना खोजेको होइनौँ, चेतना खोजेको हो। सार्वजनिक सम्पत्ति पनि आफ्नै सम्पत्ति हो भनेर त्यसलाई जोगाउने चेतनशील समाजको निर्माण गर्न खोजेको हो। यही शिक्षा तपाईँले आफ्नो विद्यार्थीहरूलाई पनि दिनुहोला’ ।
‘हामी सबै मिलेर चेतनशील समाजको निर्माण गरौँ। तपाईँहरू त झन् शिक्षक हुनुहुन्छ, तपाइहरूको त झन् ठुलो जिम्मेवारी र भूमिका छ यसमा।’ भन्दै उहाँले सामाजिक सञ्जालमार्फत आफ्नो कुरा राख्नलाई चेतनशील भएर विद्यार्थीहरूको पढाइ नबिगारी कार्यक्रम गरिदिन पनि बालेनले आग्रह गर्नुभएको छ।
गाउँ गाउँमा सिंहदरबार भन्ने नारा पुगे पनि अधिकार नपुगेको उल्लेख गर्दै प्रमुख शाहले अब आन्दोलन गर्न काठमाडौँ आउन नपरोस् भन्ने कामना गर्नुभएको छ। ‘गाउँ गाउँमा सिंहदरबार भन्ने त नारा मात्र भयो। आशा छ एक दिन आफ्नो अधिकारको लागि काठमाडौँ धाइरहनु नपरोस्।’ भन्दै सामाजिक सञ्जालमा बालेनले लेख्नु भएको छ।

प्रकाशित मिति: बिहीबार, चैत २१, २०८१ ०६:४८

प्रतिक्रिया दिनुहोस्