लुम्विनी साझेदारी कप फुटवल प्रतियोगिता शुरु : लालपुर्जा दिनका लागि अध्यादेश आएको जिकिर-सांसद घिमिरे

समाचार

गृहपृष्ठ
समाचार
लुम्विनी साझेदारी कप फुटवल प्रतियोगिता शुरु : लालपुर्जा दिनका लागि अध्यादेश आएको जिकिर-सांसद घिमिरे

लुम्विनी साझेदारी कप फुटवल प्रतियोगिता शुरु : लालपुर्जा दिनका लागि अध्यादेश आएको जिकिर-सांसद घिमिरे

आइतबार, चैत १७, २०८१ कञ्चन खवर

लुम्विनी साझेदारी कप फुटवल प्रतियोगिता शुरु
१७ चैत्र, कञ्चन
रुपन्देहीको कञ्चनमा अस्नैया युवा क्लव र लुम्बिनी साझेदारी बन व्यबस्थापन समूहको संयुक्त आयोजनामा हिजोदेखि लुम्बिनी साझेदारी कप फुटवल प्रतियोगिता शुरु भएको छ। प्रतियोगितामा १२ फुटवल टिमहरुले प्रतिस्पर्धा गर्दैछन।
गैडहवा गाउपालिका र गौतमबुद्ध सामुदायिक विकास केन्द्र कन्चन ५ पिपरीचापा बिच भएको हिजोको उद्घाटन खेलमा गौतमबुद्धले गैडहवालाई २-१ गोल अन्तरले पराजित गरी खेलको दोश्रो चरणमा प्रवेश गर्न सफल भएको छ।
प्रतियोगिताको शुभारम्भ गर्दै प्रतिनीधि सभा सदस्य बासुदेव घिमिरेले खेलकुदले मानिसको सर्वाङ्गीण बिकास गर्ने बिचार व्यक्त गर्नुभएको छ। फरक प्रसंगमा बोल्दै कार्यक्रमका प्रमुख अतिथि समेत रहनु भएका सांसद घिमिरे बर्षौंदेखि भूमिहिन र अव्यबस्थित रुपमा बस्दै आएका भूमिहिन दलित, भूमिहिन सुकुम्वासी तथा अव्यबस्थित बसोबासीहरुलाई लालपूर्जा दिनकैलागी वर्तमान सरकारले संसदमा अध्यादेश ल्याएको बताउनु भयो।
वडा नं. ४ का वडा अध्यक्ष केशर बहादुर खत्रीले युवाहरुको आवस्यकता पुरा गर्न आफुले वडा नं. ४ का क्लवहरुलाई खेलकुद सामग्रीहरु वितरण गर्दै आइरहेको बताउदै वडाको बिकासका लागि आफु सदैव वडावासीहरुको साथमै रहेको बताउनु भयो।
कार्यक्रममा लुम्बिनी साझेदारी बन व्यबस्थापन समूहका अध्यक्ष राजेन्द्र चौधरीले बन संरक्षणमा हरेक उपभोक्ताहरुको भूमिकालाई प्रभावकारी र जिम्मेवार बनाउन सामाजिक उत्तरदायित्व अन्तर्गत स्थानीय अस्नैया युवा क्लवसंगको सहकार्यमा फुटवल प्रतियोगिताको आयोजना गरिएको जानकारी दिनुभयो। यस्तै अस्नैया युवा क्लवका अध्यक्ष दुर्गा राजकोटीले क्लवको २५ औं स्थापनाको रजत जयन्तीलाई भव्य र सभ्य रुपमा सम्पन्न गर्न साझेदारी बनको सहकार्यले क्लव र लुम्बिनी साझेदारी बन व्यबस्थापन समूह बिचको सम्बन्धलाई अझ बलियो बनाउदै जाने विश्वास व्यक्त गर्नुभएको थियो।
क्लवको २५ औं बार्षिक उत्सवको अवसरमा सञ्चालन भएको प्रतियोगिताको विजेता टिमले नगद २ लाख रुपैया सहित कप, मेडल र प्रमाण पाउने छन भने उप विजेता टिमले नगद १ लाख रुपैया सहित कप र मेडल पाउनेछ।
चैत्र २७ गतेसम्म कञ्चन ४ अस्नैया स्थित फुटवल खेल मैदानमा हरेक दिन दिउँस ३ बजे देखि सञ्चालन हुने सो प्रतियोगिताका उत्कृष्ट खेलाडीले नगद २५ हजार रुपैया प्राप्त गर्ने छन
प्रतियोगितामा गैडहवा गाउँपालिका, गौतम बुद्ध सामुदायिक विकास केन्द्र, मुर्गिया एफ.सी., हिमालय सामुदायिक विकास केन्द्र, मनोभाव एफ.सी. बुटवल, योङ्ग ब्वाइज एफ।सी। देवदह, अस्नैया युवा क्लव (आयोजक), बुद्ध सेभेन स्टार, ईभोल्युसन क्लव अफ तामनगर, करङ्गे युवा क्लव, फर्साटिकर एफ.सी. र देवदह ब्वाइजले उपाधीका लागि प्रतिस्पर्धा गर्ने अस्नैया युवा क्लवद्वारा प्रकाशित खेलतालिकामा उल्लेख छ।
प्रतियोगिता अवलोकनका लागि २० रुपैया टिकटको व्यबस्था गरिएको आजको खेल आयोजक अस्नैया युवा क्लव र वुद्ध सेभेन स्टार विच हुने आयोजकले जनाएकोछ।
अस्नैया युवा क्लवका अध्यक्ष दुर्गा राजकोटी र लुम्बिनी साझेदारी बन व्यबस्थापन समूहका अध्यक्ष राजेन्द्र चौधरीको संयुक्त अध्यक्षता तथा हेम बहादुर थापाको सञ्चालन र श्रृजना थापाको स्वागतमा भएको प्रतियोगिताको उद्घाटन कार्यक्रममा जनप्रतिनीधि, आमा समूह, स्थानीय तथा विभिन्न राजनैतकि दलका प्रतिनीधिहरुको सहभागिता रहेको थियो।