विद्युत प्राधिकरणमा कुलमान आउट हितेन्द्र इन

समाचार

गृहपृष्ठ
समाचार
विद्युत प्राधिकरणमा कुलमान आउट हितेन्द्र इन

विद्युत प्राधिकरणमा कुलमान आउट हितेन्द्र इन

मंगलबार, चैत १२, २०८१ कञ्चन खवर

१२ चैत्र, काठमाडौं
नेपाल सरकारले विद्युत प्राधिकरणको कार्यकारी निर्देशकबाट कुलमान घिसिङ्गलाई आउट गरेर हितेन्द्र देव शाक्यलाई इन गरेको छ ।
सोमबार बसेको मन्त्रिपरिषदको बैठकले कुलमान घिसिङ्गलाई बर्खास्त गर्दै केपी ओलीका दाहिने हातको रुपमा चिनिएका हितेन्द्र शाक्यलाई नियुक्त गरेको हो।
घिसिङ दोस्रो पटक २५ साउन २०७८ मा कार्यकारी निर्देशक नियुक्त भएका थिए । गत बिहीबार ऊर्जा, जलस्रोत तथा सिँचाइ मन्त्रालयले मन्त्रिपरिषदको फागुन २१ को निर्णयअनुसार तीन दिनभित्र सफाइ पेस गर्न पत्राचार गरेको थियो।
यसमा घिसिङले कार्यसम्पादन सम्झौता बमोजिम तोकिएको लक्ष्य हासिल भएको उल्लेख गर्दै सफाइ पेस गरेका थिए। आर्थिक वर्ष २०७८/७९ र २०७९/८०को मूल्यांकित कार्य सम्पादनमा क्रमशः ९४.२३ र ९८.९४ अंक प्राप्त गरेको उनले उल्लेख गरेका थिए।
शाक्य यसअघि पनि प्रधानमन्त्री केपी शर्मा ओली प्रधानमन्त्री हुँदा प्राधिकरणका निर्देशक बनेका थिए ।

प्रकाशित मिति: मंगलबार, चैत १२, २०८१ ०६:२४

प्रतिक्रिया दिनुहोस्