रुपन्देही प्रहरीद्वारा बिभिन्न मुद्धाका ११ जना फरार प्रतिवादीहरुलाई पक्राउ

समाचार

गृहपृष्ठ
समाचार
रुपन्देही प्रहरीद्वारा बिभिन्न मुद्धाका ११ जना फरार प्रतिवादीहरुलाई पक्राउ

रुपन्देही प्रहरीद्वारा बिभिन्न मुद्धाका ११ जना फरार प्रतिवादीहरुलाई पक्राउ

शुक्रबार, माघ ४, २०८१ कञ्चन खवर

४ माघ, कञ्चन
जिल्ला अदालत रुपन्देहीले मितिमा गरेको फैसला बमोजिम विभिन्न मुद्धामा कैद तथा सजाय भई हालसम्म फरार भएका रहेका ११ जनाप्रतिवादीहरुलाई जिल्ला प्रहरी रुपन्देहीको विभिन्न ईकाईहरुबाट खटिएको प्रहरी टोलीले पक्राउ गरेको छ।
जिल्ला प्रहरी कार्यालय रुपन्देहीका प्रहरी नायव उपरीक्षक तथा सूचना अधिकारी सुजन कार्कीका अनुसार २०७१।१०।१५ गते अदालतको फैसला बमोजिम सम्बन्ध बिच्छेद मुद्धामा हालसम्म फरार रहेका फरार प्रतिवादी जिल्ला रुपन्देही सिद्धार्थनगर नगरपालिका वडा नं. १ बस्ने तारादेवी राना, २०७४।१२।२९ गतेको फैसला बमोजिम नाता कायम मुद्धामा हालसम्म फरार रहेका फरार जिल्ला रुपन्देही सिद्धार्थनगर नगरपालिका वडा नं.४ बस्ने बिष्णु कुमार ठाकुर, मिति २०७३।०३।२९ गतेको फैसला बमोजिम विविध मुद्धामा हालसम्म फरार प्रतिवादी जिल्ला रुपन्देही सिद्धार्थनगर नगरपालिका वडा नं. ४ बस्ने वसि अलि देवानलाई पक्राउ गरी कैद सजाय भुक्तानका लागि जिल्ला अदालत रुपन्देहीमा पेश गरेको हो ।
यस्तै मिति २०६६।०३।२५ गते जिल्ला अदालत रुपन्देहीको फैसला बमोजिम जालसाजी मुद्धामा हालसम्म फरार रहेका जिल्ला रुपन्देही सिद्धार्थनगर नगरपालिका वडा नं. ५ बस्ने हेमा थापा, मिति २०५०।१०।१४ गतेको फैसला बमोजिम कुटपिट लुटपाट मुद्धामा हालसम्म फरार रहेका जिल्ला रुपन्देही सिद्धार्थनगर नगरपालिका वडा नं. ६ बस्ने राजेन्द्र प्रसाद बनिया, मिति २०६६।०९।२१ गतेको फैसला बमोजिम जालसाजी मुद्धामा हालसम्म फरार रहेका जिल्ला रुपन्देही सिद्धार्थनगर नगरपालिका वडा नं. ५ बस्ने रुमाया गुरुङ्ग, मिति २०४५।०९।३० गतेको फैसला बमोजिम जारी मुद्धामा हालसम्म फरार रहेका जिल्ला रुपन्देही सिद्धार्थनगर नगरपालिका वडा नं. ५ बस्ने जित वहादुर खवास र मिति २०६६।०२।२५ गतेको फैसला बमोजिम जालसाजी मुद्धामा हालसम्म फरार रहेका जिल्ला रुपन्देही सिद्धार्थनगर नगरपालिका वडा नं. ५ बस्ने चम्पादेवी थापा गुरुङ्गलाई प्रहरीले पक्राउ गरेको सूचना अधिकारी कार्कीले जानकारी दिनु भएको छ।
यसैगरी इलाका प्रहरी कार्यालय लुम्बिनी रुपन्देहीबाट खटिएको प्रहरी टोलीले मिति २०७६।१०।०८ गतेको फैसला बमोजिम नकवजनी चोरी मुद्धामा हालसम्म फरार रहेका जिल्ला रुपन्देही लुम्बिनी सांस्कृतिक नगरपालिका वडा नं. ११ बस्ने कुलचन्द्र पासी र इलाका प्रहरी कार्यालय मर्चवार रुपन्देहीले मिति २०७६।०२।१९ गतेको फैसला बमोजिम सवारी ज्यान मुद्धामा हालसम्म फरार रहेका जिल्ला रुपन्देही सम्मरीमाई गाउँपालिका वडा नं. ६ बस्ने मगरु बरईलाई पक्राउ गरेको हो।
यसैगरी इलाका प्रहरी कार्यालय रन्यौरा रुपन्देहीले मिति २०७६।०२।०८ गतेको फैसला बमोजिम लागु औषध मुद्धामा हालसम्म फरार रहेका जिल्ला रुपन्देही शुद्धोधन गाउँपालिका वडा नं.१ बस्ने राम किशोर चौधरीलाई पनि पक्राउगरी कैद सजाय भुक्तानका लागि जिल्ला अदालत रुपन्देहीमा पेश गरिएको जिल्ला प्रहरी कार्यालय रुपन्देहीका प्रहरी नायव उपरीक्षक तथा सूचना अधिकारी सुजन कार्कीले जानकारी दिनु भएको छ।

प्रकाशित मिति: शुक्रबार, माघ ४, २०८१ ०८:२२