थारु कल्याणकारिणी सभाको आयोजनामा रक्तदान कार्यक्रम सम्पन्न ५४ युनिट रगत संकलन

समाचार

गृहपृष्ठ
समाचार
थारु कल्याणकारिणी सभाको आयोजनामा रक्तदान कार्यक्रम सम्पन्न ५४ युनिट रगत संकलन

थारु कल्याणकारिणी सभाको आयोजनामा रक्तदान कार्यक्रम सम्पन्न ५४ युनिट रगत संकलन

शनिबार, पुस २७, २०८१ कञ्चन खवर

२७ पुस, कञ्चन
थारु कल्यणकारी सभा कञ्चन रुपन्देहीद्वारा रक्तदान कार्यक्रम सम्पन्न भएको छ। कार्यक्रममा ५४ युनिट रगत संकलन भएको थियो। हिजो शुक्रवार आठौं थारु माघी महोत्सव मेला २०८१ को पुर्व सन्ध्यामा कञ्चन ४ स्थित दियो खेलमैदानमा कार्यक्रम आयोजना गरिएको हो ।
थारु समुदायको महत्वपूर्ण पर्व माघि संक्रान्ति (माघ, खिचडी) एवम् थारु समुदायको नयाँ वर्ष थारु सम्वत २६४८ को अवसरमा भएको कार्यक्रममा रक्त सञ्चार केन्द्र बुटवलको प्राविधिक सहयोग रहेको थियो।
रक्तदान कार्यक्रमको शुभारम्भ गर्दै कञ्चन गाउँपालिकाका अध्यक्ष नवराज ढकालले अस्पतालमा रगतको अभावमा उपचार हुनबाट बञ्चित हुनबाट जोगाउन गाउ गाउँमा संचालन गरिने रक्तदान कार्यक्रम सबैभन्दा ठूलो मानवीय सेवा भएको बताउनु भयो। रक्तदान महादान भएकोले रक्तदान गर्नका लागि प्रोत्साहित गर्नुपर्ने बताउदै कञ्चनका नागरिकहरूको लागी निःशुल्क रगत उपलब्ध गराउने उद्धेश्यले रक्त सञ्चार केन्द्र बुटवलसँग सम्झौता भएको समेत जानकारी दिनुभयो।

प्रकाशित मिति: शनिबार, पुस २७, २०८१ १९:५९