कञ्चनमा स्वास्थ्यकर्मीहरुका लागि २ दिने कुपोषणको एकिकृत व्यबस्थापन सम्बन्धी पनुर्ताजगी तालिम

स्वास्थ्य

गृहपृष्ठ
स्वास्थ्य
कञ्चनमा स्वास्थ्यकर्मीहरुका लागि २ दिने कुपोषणको एकिकृत व्यबस्थापन सम्बन्धी पनुर्ताजगी तालिम

कञ्चनमा स्वास्थ्यकर्मीहरुका लागि २ दिने कुपोषणको एकिकृत व्यबस्थापन सम्बन्धी पनुर्ताजगी तालिम

सोमबार, असोज २१, २०८१ कञ्चन खवर

२१ असोज, कञ्चन
रुपन्देहीको कञ्चन गाउँपालिकाका स्वास्थ्यकर्मीहरुका लागि पोषण मार्फत जीवन रुपान्तरण परियोजना अन्तर्गत २ दिने कुपोषणको एकिकृत व्यबस्थापन सम्बन्धी पनुर्ताजगी तालिम शुरु भएको छ। कञ्चन गाउँपालिकाको सभहलमा भएको कार्यक्रममा सेतो गुराँस बाल बिकास सेवा रुपन्देहीको सहयोगमा तालिम शुरु भएको हो।
उक्त तालिमको शुरुवात गर्दै कञ्चन गाउापालिकाका अध्यक्ष नवराज ढकालले कञ्चनको स्वास्थ्य सेवालाई कञ्चनवासीले अनुभूती गर्नेगरी सेवा प्रवाह गर्नमा कञ्चनका स्वास्थयकर्मीहरु सदैब प्रतिवद्ध रहेको बताउनु भयो। बिशेषगरी सुत्केरी नवजात शिसुहरुको स्वास्थ्य सेवालाई प्रभावकारी बनाउन स्वास्थ्यकर्मीहरुको कार्यक्षमतलाई अझ ताजगी बनाउन सेतो गुराँस बाल बिकास सेवाबाट भइरहेको सहयोग अतुलनीय रहने अध्यक्ष ढकालले बताउनु भयो।
कार्यक्रममा प्रमुख प्रशासकिय अधिकृत सागर गौतमले मानिसको आधारभूत आवस्यकताहरु मधये शिक्षा र स्वास्थ्य एक महत्वपुर्ण हो। स्वास्थ्यमा गरिएको लगानीले तत्काल नतीजा दिदैन तर त्यसले समाजलाई स्वस्थ र समुन्नत बनाउन भुमिका खेलिरहेको हुने बताउनु भयो। स्वास्थ्यकर्मीहरुको यस तालिमले कञ्चनका बालबालिकाहरुमा हुन सक्ने कुपोषणको समयमै पहिचान र त्यसको उपचारका लागि सहायकसिद्ध हुने प्रमुख प्रशासकिय अधिकृत गौतमले बिश्वास गर्नु भयो।
कार्यक्रममा जिल्ला स्वास्थ्य कार्यालय रुपन्देहीका बरिष्ठ क्षय-कुष्ठरोग निरिक्षक टीकाराम अधिकारीले स्वास्थ्यकर्मीहरुलाई तालिम दिदै बालबालिकाहरुको उमेरबृद्धिसंगै उनिहरुको शारिरीक र मानसिक रुपमा सन्तुलित बिकास गर्न बच्चा जन्मिनासाथ आमाको पहिलो दुध नै अमृत समान हुने र कुपोषण हुनबाट रोक्नलाई आमाको दुध अनिवार्य खुवाउनु पर्ने शिक्षा हरेक सुत्केरी आमाहरुलाई दिन सकियो भने कुपोषण रोगको रोकथाम सहजै हुन बताउनु भयो।
कञ्चन गाउँपालिकाका स्वास्थ्य शाखा प्रमुख राम प्रसाद गौतमको सहजिकरणमा भएको कार्यक्रममा हेलेन केलरका जितेन्द्र कहाँरले स्वास्थ्यकर्मीहरुका लागि कुपोषणको एकिकृत व्यबस्थापन सम्बन्धी पनुर्ताजगीबारे सैद्धान्तिक तथा प्रयोगात्मक श्रब्य दृश्यको माद्यमबाट प्रशिक्षण दिनु भएको थियो।
कार्यक्रममा कञ्चन गाउँपालिकाका उपाध्यक्ष मौसमी थापा मगर, सेतो गुराँस बा विकास सेवाका चेतना ज्ञवाली, मुना कुवँर, भवि क्षेत्री, कञ्चन गाउँपालिकाका ५ वटै स्वास्थ्य केन्द्रका इन्चार्ज तथा स्वास्थ्इकर्मीहरुको सहभागिता रहेको छ।

प्रकाशित मिति: सोमबार, असोज २१, २०८१ ०६:२५

प्रतिक्रिया दिनुहोस्