राप्रपा कञ्चनको १५ औं गाउँ भेला सम्पन्न

राजनीति

गृहपृष्ठ
राजनीति
राप्रपा कञ्चनको १५ औं गाउँ भेला सम्पन्न

राप्रपा कञ्चनको १५ औं गाउँ भेला सम्पन्न

बिहीबार, चैत १५, २०८० कञ्चन खवर

१४ चैत्र
राजेन्द्र लिङ्गडेल केन्द्रिय अध्यक्ष रहेको राप्रपा कञ्चन गाउ समितिको १५ औं गाउ भेला सम्पन्न भएको छ। पार्टीका केन्द्रिय सदस्य तोयानाथ आचार्यको प्रमुख आतिथ्यतामा सम्पन्न भेलाले दुर्गा बहादुर थापाको अध्यक्षतामा १५ सदस्यिय नयाँ कार्य समिति गठन गरेको छ।
समितिको प्रथम उपाध्यक्षमा रेनु बोहरा क्षेत्री, दोश्रो उपाध्यक्ष किसन बहादुर ठकुरी, सचिव सागर अधिकारी, कोषाध्यक्ष तारा खत्री, सह सचिव सिता थापा क्षेत्री र सदस्यहरुमा देवी काउचा, भक्ती प्रसाद सापकोटा, बल बहादुर जि.सी, बलाराम बि।क।, रोशन मगर, ज्योती नारायण आचार्य, पदम बहादुर मल्ल, तेज बहादुर दमाई, बिरबिक्रम कवँर र गोविन्द सुवेदीलाई मनोनित गरेको छ।
प्रमुख अतिथि तोयानाथ लम्सालले देशको खराब अवस्था परिवर्तन का लागि ब्यबस्था परिवर्तन गर्न नविन राप्रपाको अभियानका साथ गाउ गाउमा पार्टी गठन र प्रचार कार्यक्रम संचालन गरिएको बताउनु भयो। अव देशको विग्रदो अवस्थालाई सुधार गर्न ब्यबस्था परिवर्तन गर्नु पर्ने र ब्यबस्था परिवर्तनका लागि गाउ गाउमा नविन राप्रपाको अभियानलाई लैजानु पर्नेमा जोड नेता लम्सालले दिनु भएको छ। नेता आचार्यले सरकारको मुख्य घटक एमाले र माओवादी भएपनि यिनीहरुबाट देशको अवस्थामा कुनै परिवर्तन नआउने तर रास्वपाका रवि लामिछानेबाट भने केही आश गर्न सकिने समेत बिचार ब्यक्त गर्नु भयो।

यस्तै राप्रपाका केन्द्रिय स्वास्थ्य बिभागका सदस्य गोविन्द श्रेष्ठले अवको बैकल्पिक शक्ती भनेकै राजसंस्था सहितको राप्रपा भएको बिचार ब्यक्त गर्नु भएको। देशको भ्रष्टाचार चरम बिन्दुमा पुगेको अबस्थामा अब यो देशको ठुला राजनीतिक शक्तिका कारण देश श्रीलंका बन्नेमा कुनै दुईमत नरहेको उल्लेख गर्दै नेता श्रेष्ठले गणतन्त्रका मतियारहरुले नेपालमा मिलेर बसोबास गरेका बिभिन्न जाती धर्म, लिङ्गलाई एक आपसमा लडाएर गृह युद्धोन्मुख तिर ढकेलिरहेको अवस्थामा सबै नेपाली सचेत भई ब्यबस्था परिवर्तनका लागि आन्दोलन गर्नुको विकल्प नरहेको बताउनु भयो।
राप्रपा कञ्चनका अध्यक्ष दुर्गा प्रसाद लोधको अध्यक्षतामा सम्पन्न भेलामा राप्रपा नेपाल लुम्बिनी प्रदेश सदस्य तथा नव निर्वाचित गाउँ कमिटिका अध्यक्ष दुर्गा बहादुर थापा, वडा नं. ५ कमिटिका अध्यक्ष ज्योती नारायण आचार्यलगायतले नविन राप्रपाको अभियानलाई गाउ गाउमा तिव्रता दिनु पर्नेमा जोड दिएका थिए।
कञ्चन गाउपालिकाको दियो सभाहलमा सम्पन्न भेलामा गोपाल बिश्वकर्माको स्वागत तथा सचिव सागर अधिकारीले कार्यक्रम संचालन गर्नु भएको थियो। यही चैत्र २७ गते देखि अवस्था परिवर्तनका लागि ब्यबस्था परिवर्तन गरौं भन्ने नाराका साथ काठमाण्डौमा बृहत आन्दोलन हुदैछ।