प्रथम गैडहवा अध्यक्ष कप खुल्ला कबड्डी प्रतियोगिता शुरु

खेलकुद

गृहपृष्ठ
खेलकुद
प्रथम गैडहवा अध्यक्ष कप खुल्ला कबड्डी प्रतियोगिता शुरु

प्रथम गैडहवा अध्यक्ष कप खुल्ला कबड्डी प्रतियोगिता शुरु

2076/11/15 कञ्चन खवर

१५ फागुन,गैडहवा
“स्वास्थ्यको लागि खेलकुद राष्ट्रका लागि खेलकुद” भन्ने नारा सहित आज देखि सूर्यपुरा बहुमुखी क्याम्पसको खेलमैदानमा प्रथम गैडहवा अध्यक्ष कप खुल्ला कबड्डी प्रतियोगिता शुरु भएको छ।
समाजबादी पार्टी प्रदेश नं. ५ का बरिष्ठ नेता महेन्द्र यादवले उद्धघाटन गर्नु भएको प्रथम गैडहवा अध्यक्ष कप खुल्ला कबड्डी प्रतियोगितामा नवल परासी र रुपन्देहीका गरी ८ कबड्डी टीमले प्रतिस्पर्धा गर्ने भएका छन। प्रतियोगिताको उद्धघाटन गर्दै समाजबादी पार्टी प्रदेश नं. ५ का बरिष्ठ नेता महेन्द्र यादवले खेलकुदको माध्यमबाट युवाहरुलाई समाज प्रति अझ जिम्मेवार र कर्तब्यनिष्ठ नागरिक बनाउन सकिने बताउनु भएको । खेलकुद प्रतियोगिता हार र जितको खेल हो तर यसमा अनुसासन,सहनशिलता,धैर्यता र एकताको शिक्षा प्राप्त हुने भएकोले खेलकुदमा सक्रिय युवाहरुमा हरेक कार्यहरुमा खेलकुदमा प्रयोग हुने अनुसासन,सहनशिलता,धैर्यता र एकताको भावना जागरुकता बढ्ने बताउनु भएको छ ।

लिग कम नकआउटकोे आधारमा हुने कबड्डी प्रतियोगितामा सहभागि खेलाडी तथा खेलप्रेमीहरुलाई सम्बोधन गर्दै गैडहवा गाउपालिकाका अध्यक्ष बच्चु केवटले युवाहरुनै समृद्ध गैडहवाको आधार भएको बताउनु भएको छ । युवाहरुलाई गैडहवाको हरेक बिकास र योजनाहरुमा संलग्न गराउन सके गैडहवाको बिकासले पनि फरक रुप दिने बताउदै खेलकुद क्षेत्रबाट युवाहरुलाई गैडहवाको बिकास संग जोड्न सकिने समेत बताउनु भएको छ । वहाले भन्नु भयो “गैडहवाका युवाहरु कृषि प्रति आकर्षित छन त्यो आकर्षणलाई आयआर्जन संग जोड्न गाउपालिकाले युवा कृषी उधमीहरुलाई प्रोत्साहन स्वरुप अनुदान समेत उपलब्ध गराउदै आएको छ ।”

आज कानिजवा सि गैडहवा र सूर्यपुरा मा.बि. बिच भएको उद्धघाटन खेलमा कानिजवा सि बिजयी भएको छ भने प्रतापपुर गाउपालिका नवलपरासी र कानिजवा बि बिच भएको दोश्रो खेलमा प्रतापपुर गाउपालिका नवलपरासी बिजयी भएको छ ।यस्तैै समइमाई युवा क्लव खुशियालपुर र कानिजवा ए बिच आजै भएको तेश्रो खेलमा समइमाई युवा क्लव खुशियालपुर बिजयी भएको साथी संजालका द्धारिका हरिजनले जानकारी दिनु भएको छ ।

फागुन १७ गते सम्म संचालन हुने प्रतियोगितामा प्रथम हुने समूहले नगद १५ हजार रुपैया,मेडल र प्रमाण पत्र पाउने छन भने प्रतियोगितामा द्दितिय हुने समूहले नगद ७ हजार ५ सय रुपैया तथा तृतिय हुने समूहले ५ हजार रुपैया,मेडल र प्रमाण पत्र पाउने प्रथम गैडहवा अध्यक्ष कप खुल्ला कबड्डी प्रतियोगिता संचालन समितिका संयोजक श्रीपट सिंहले जानकारी दिनु भएको छ।
प्रतियोगिताको उद्धघाटन शत्रको कार्यक्रम प्रथम गैडहवा अध्यक्ष कप खुल्ला कबड्डी प्रतियोगिता संचालन समितिका दिपेन्द्र सिंहले गर्नु भएको थियो ।

प्रकाशित मिति: बिहीबार, फागुन १५, २०७६ २०:२२