१८असोज,कपिलबस्तु/अजय मिश्र
इलाका प्रहरी कार्यालय कृष्णनगर,कपिलवस्तुमा नयां आएका प्रहरी निरीक्षक सुखदेव पौडेललाई होटल तथा रेष्टुरेण्ट व्यवसायी संघ कपिलवस्तु कृष्णनगरले सम्मान सहित स्वागत गरेको छ । प्रहरी निरिक्षक पौडेललाई कृष्णनगरमा हार्दिक स्वागत गर्दै इलाका प्रहरी कार्यालय कृष्णनगरमा कार्यलय प्रमुखको पदमा कार्यरत रही शान्ति सुरक्षासंगै अवैध कारोवार,लागुऔषध ओसारपोसार र बिकृति र बिसंगतीको न्युनिकरणका लागि महत्वपुर्ण कार्य हुने होटल ब्यबसायीहरुले बिश्वास ब्यक्त गरेका छन ।
होटल तथा रेष्टुरेण्ट व्यवसायी संघ कपिलवस्तु कृष्णनगरका सल्लाहकार लक्षमण भुषालले स्वागत गर्दै होटल ब्यबसायको नाममा हुने बिकृति र बिसंतीको अन्त्य र सिमा नाकाको फाइदा उटाउदै हुने अबैध कारोबार र भन्सार छली सामान आयात गर्नेहरुलाई कडा भन्दा कडा कार्वाही गरी ती कार्यहरुको न्युनिकरण गर्नमा नव नियुक्त कार्यलय प्रमुख तथा प्रहरी निरीक्षक पौडेलले लागी पर्ने र सो कार्यको लागि होटल ब्यबसायीहरुले पनि साथ दिने प्रतिबद्धता ब्यक्त गर्नु भएको छ।
कार्यक्रममा बोल्दै प्रहरी निरीक्षक पौडेलले आफू यस कृष्णनगर मताहतक्षेत्रमा आफूले नियम कानुनको परिधिमा रहि काम गर्ने र आफ्नो मताहत क्षेत्रका समाजसेवी, संघ संस्था, स्थानीय व्यक्ति, जन प्रतिनीधि, पत्रकार, व्यवसायी
लगायतसंगको सहकार्यलाई निरन्तरता दिदै समाजमा शान्ति, सुरक्षा प्रदान गरि आफ्नो संगठनले दिएको जिम्मेवारी पूर्ण रूपमा निर्वाह गर्नेमा बिश्वस्त हुन ब्यबसायीहरुलाई आगग्रह गर्नु भएको थियो ।
होटल तथा रेष्टुरेण्ट व्यवसायी संघ कपिलवस्तु कृष्णनगर अध्यक्ष शिव घिमिरेले प्रहरी निरिक्षक पौडेललाई स्वागत गर्दै होटल तथा रेष्टुरेण्ट व्यवसायी लकडाउनले गर्दा समस्यामा परेका कारण दशै तिहारमा चोरीको घटना भई रहने हुदाँ प्रहरी निरिक्षक पौडेलको ध्यानाकर्षण गराउनु भएको थियो ।
लिंक गेटका प्रहरी नायब निरीक्षक रेशम बहादुर जि. सी., सशस्त्र प्रहरी बल कृष्णनगर कपिलवस्तु वि.ओ. पी. का प्रतिनीधि सशस्त्र प्रहरी नायब निरीक्षक ठाकुर बहादुर केसीलाई समेत होटल तथा रेष्टुरेण्ट व्यवसायी संघ कपिलवस्तु कृष्णनगरले सम्मान गरिएको कार्यक्रममा कमल जि. सी., गोविन्द जयसवाल, हिरामणी घिमिरे, देवी प्रसाद पन्थ, तिलक गिरी, अनन्तराम घिमिरे, रविन्द्र गुप्ता लगायत होटल तथा रेष्टुरेण्ट व्यवसायी संघ कपिलवस्तु कृष्णनगरका सदस्यहरूको उपस्थिती रहेको थियो भने अनन्तराम घिमिरेको संचालनमा भएको स्वागत कार्यक्रम बुद्ध होटल एण्ड रेष्टुरेन्टमा सम्पन्न भएको थियो ।
-1730900112.jpg)
