प्रगतिशील लेखन र राष्ट्रियता सम्बन्धी विचार गोष्ठी हुने

साहित्य

गृहपृष्ठ
साहित्य
प्रगतिशील लेखन र राष्ट्रियता सम्बन्धी विचार गोष्ठी हुने

प्रगतिशील लेखन र राष्ट्रियता सम्बन्धी विचार गोष्ठी हुने

2077/02/20 कञ्चन खवर

प्रगतिशील लेखक संघ,नेपाल,रुपन्देहीको अनलाइन भर्चुअल बैठक आइतवार सम्पन्न भएको छ । प्रलेस,नेपाल–५ नम्बर प्रदेशका संयोजक एवम् केन्द्रीय सदस्य समेत रहेका केशव थापाले प्रमुख अतिथिका रुपमा बोल्दै नेपालमा कोरोनाले असरमात्र गरेको छैन केही अवसर समेत ल्याएको बताए । कोरोनाले साहित्यकारहरुलाई प्रविधिमैत्री बनाएको र सो प्रविधिमैत्री अवसरलाई प्रगतिशील लेखनमा प्रयोग गर्न समेत अनुरोध गरे ।
सोही कार्यक्रमका विशिष्ट अतिथि एवम् प्रलेसका केन्द्रीय सदस्य मीनबहादुर रानाले कोरोनाका कारण धेरैलाई तनाव सिर्जना गरेको हुँदा प्रविधिलाई प्रयोग गरी तनाव न्यूनीकरणका लागि नयाँ खालको प्रचार सामग्री बनाउन प्रलेस,रुपन्देहीलाई अनुरोध समेत गरेका छन् ।
बैठकले यही जेठ २० गते प्रलेस,नेपाल ५ नम्बर प्रदेशले आयोजना गर्ने प्रगतिशील लेखन र राष्ट्रियता सम्बन्धी विचार गोष्ठीमा सहभागी हुन प्रलेस,रुपन्देहीका सबै साथीहरुलाई निमन्त्रणा गरेको छ । सो कार्यक्रमको प्रमुख वक्ताको रुपमा प्रलेस,नेपालका केन्द्रीय अध्यक्ष प्रा.डा. जीवेन्द्रदेव गिरी रहने छन् भने कार्यक्रम दिउँसो ३ वजेदेखि सञ्चालन हुने जानकारी गराइएको छ ।
साथै प्रलेस,नेपालको केन्द्रीय समितिले यही महिनाको २४ गते दिउँसो २ वजेदेखि आयोजना गर्ने परिसंवाद कार्यक्रममा पूर्वी दर्शनमा भौतिकवाद विषयमा प्रलेसका केन्द्रीय महासचिव समीरसिंहले विचार राख्ने छन् । साथै उक्त कार्यक्रममा रुपन्देहीका सम्पूर्ण प्रगतिशील विचार राख्नुहुने लेखकहरुलाई अनुरोध गर्ने निर्णय समेत भएको छ ।
साथै प्रलेस,नेपाल रुपन्देही शाखाले निरन्तर रुपमा सञ्चालन गर्दै आएको दर्शन पाठशलालाई यही महिनाको २४ गते विहान १० वजेदेखि सञ्चालन गर्ने र सो पाठशालामा कोरोनापछिको साहित्यको अवस्थाका सन्दर्भमा छलफल हुने छ । साथै कार्यसमितिका सदस्यहरुका माग अनुसार प्रगतिशील लेखन सम्बन्धी तीन दिवसीय गोष्ठी र लेखकहरुसँग पाठकको भेटघाट कार्यक्रम सञ्चालन गर्ने निर्णय समेत गरेको छ । उल्लिखित कार्यक्रमहरु सबै भिजूअल् माध्यमद्वारा हुने छन् ।
कार्यक्रममा प्रलेस,नेपाल,रुपन्देहीका उपाध्यक्ष कविराज पौडेल,सचिव श्याम पोखरेल,सदस्यहरु हरिप्रसाद पौडेल,धनकुमारी अर्याल,लक्ष्मी केसी,टेकराज भुसाल लगायतले सार्थक सहभागिता जनाएको उक्त कार्यक्रमको अध्यक्षता प्रलेस,नेपाल रुपन्देहीका अध्यक्ष दलबहादुर गुरुङले गरेका थिए ।

प्रकाशित मिति: मंगलबार, जेठ २०, २०७७ ०६:१५