आज तेश्रो भलिवल दिवस,कञ्चनमा दीप प्रज्वलन गरी भलिवल दिवस मनाइयो

खेलकुद

गृहपृष्ठ
खेलकुद
आज तेश्रो भलिवल दिवस,कञ्चनमा दीप प्रज्वलन गरी भलिवल दिवस मनाइयो

आज तेश्रो भलिवल दिवस,कञ्चनमा दीप प्रज्वलन गरी भलिवल दिवस मनाइयो

2077/02/08 कञ्चन खवर

८ जेठ,कञ्चन
आज भलिबल खेलाडीहरुका लागि महत्वपुर्ण दिन हो । भलिबल खेलाडीहरुले बिगत ३ बर्ष देखि आजको दिनलाई उत्सवको रुपमा मनाउदै आएका छन । नेपाल सरकारले आजकै दिन अर्थात बि.सं. २०७४ साल जेठ ८ गतेका दिन भलिबल खेललाई राष्ट्रिय खेलको रुपमा घोषण गरेको थियो ।
नेपाल सरकारले भलिबल खेललाई राष्ट्रिय खेलको रुपमा मान्यता दिएंसंगै भलिबल खेलसंग सम्बन्धित संघसंस्था र खेलाडीहरुले उत्सवको रुपमा बिभिन्न कार्यक्रमहरु गर्दै आएका छन ।यसैक्रममा रुपन्देहीको कञ्चन गाउपालिकामा रहेको रिभरसाइड युवा क्लवले दीप प्रज्वलन गरी तेश्रो भलिबल खेल दिवस मनाएको छ ।कञ्चनमा उपलब्ध भलिबल खेलाडी,भलिबल खेलका प्रशिक्षक,रेफ्रि र क्लवहरुका प्रतिनीधिहरु जम्मा भई रिभरसाइड युवा क्लवको खेल मैदानमा दीप प्रज्वलन गरी भलिवल दिवस मनाएको हो ।
तेश्रो भलिबल दिवसको अवसरमा दीप प्रज्वलन गर्दै भलिवल खेलका निर्णायक तुल बहादुर थापाले नेपाल सरकारले भलिबल खेललाई राष्ट्रिय खेलको रुपमा घोषणा गरी भलिबल खेलाडी र भलिबल खेल प्रेमीहरुका लागि निकै गर्व र खुशीको क्षण भएको र भलिबल खेलाडीहरुलाई नयाँ उत्साह थपिदिएको बताउनु भएको छ।यस्तै अर्का निर्णायक राम बहादुर थापाले भलिबलको साख बचाउनु र कञ्चनमा भलिबलको खेलको बिकासको लागि भलिबल खेलाडी,प्रशिक्षक,निर्णायक र क्लवहरुको महत्वपुर्ण जिम्मेवारी हुने बताउनु भएको छ।
कोरोना भाइरसको संक्रमणले गर्दा भलिबल खेल दिवसलाई औपचारिक रुपमा मनाउन नसकिए पनि रिभरसाइड युवा क्लवले हरेक बर्ष जस्तै यस बर्ष पनि अनौपचारिक रुपमा भएपनि सामाजिक दुरी कायम गरी भलिबल दिवस मनाएको हो । क्लवका अध्यक्ष जित बहादुर थापाको अध्यक्षतामा तेश्रो भलिवल दिवस मनाइएको क्लवका सचिव यम बहादुर थापाले जानकारी दिनु भएको छ ।

तेश्रो भलिवल दिवसको अवसरमा दीप प्रज्वलनको क्रममा लिएका तस्बिरहरु