रुपन्देहीमा भन्सार छलीका ७ लाख २० हजारभन्दा बढीका सामान बरामद

समाचार

गृहपृष्ठ
समाचार
रुपन्देहीमा भन्सार छलीका ७ लाख २० हजारभन्दा बढीका सामान बरामद

रुपन्देहीमा भन्सार छलीका ७ लाख २० हजारभन्दा बढीका सामान बरामद

सोमबार, भदौ २९, २०८३ कञ्चन खवर

२९ भदौ, भैरहवा
जिल्ला प्रहरी कार्यालय रुपन्देहीबाट खटिएको प्रहरी टोलीले जिल्लाका विभिन्न स्थानमा चेकजाँच गर्ने क्रममा भन्सार छली गरी चोरी–पैठारी गरिएका करिब रु. ७ लाख २० हजार ३५० बराबरका सामान बरामद गरेको छ।
प्रहरीले २०८३ साल भदौ २८ गते विभिन्न स्थानमा चेकजाँच गर्ने क्रममा भन्सार छली गरी ल्याइएका सामानहरू नियन्त्रणमा लिएको जनाएको छ। बरामद सामान आवश्यक कारबाहीका लागि भन्सार कार्यालय बेलहिया, रुपन्देही पठाइएको छ।
प्रहरीका अनुसार बुटवल उपमहानगरपालिका–५, विकासपथबाट रु. ६ लाख ५ हजार १०० बराबरका ७४८ पिस लेडिज कुर्था, ७५ पिस कुर्था र १४५ पिस चश्मा बरामद गरिएको छ।
त्यस्तै, सिद्धार्थनगर नगरपालिका–१, बेलहियाबाट रु. ९० हजार ७५० बराबरका ८० मिटर कपडा तथा विभिन्न किराना सामान बरामद भएको छ।
यसैगरी, सिद्धार्थनगर–२, मेउडिहवाबाट रु. ८ हजार बराबरका ५० केजी केरा, १५ केजी मुसम्मी, १० केजी स्याउ र ५ केजी अनार बरामद गरिएको प्रहरीले जनाएको छ।
सिद्धार्थनगर नगरपालिका–११, जंगलटोलबाट पनि रु. १६ हजार ५०० बराबरका ९० केजी चुकन्दर र ५० केजी गाजर बरामद गरिएको छ।
बरामद भएका सबै सामान आवश्यक अनुसन्धान तथा कारबाहीका लागि भन्सार कार्यालय बेलहिया पठाइएको जिल्ला प्रहरी कार्यालय रुपन्देहीले जनाएको छ।

प्रकाशित मिति: सोमबार, भदौ २९, २०८३ ०६:४२