कञ्चन क्रिकेट लिगः आर के बरकट १७ र शान्तिसिद्धार्थ विजयी

खेलकुद

गृहपृष्ठ
खेलकुद
कञ्चन क्रिकेट लिगः आर के बरकट १७ र शान्तिसिद्धार्थ विजयी

कञ्चन क्रिकेट लिगः आर के बरकट १७ र शान्तिसिद्धार्थ विजयी

बुधबार, माघ २९, २०८२ कञ्चन खवर

२८ माघ, कञ्चन
शान्तिसिद्धार्थ युवा क्लव, कञ्चन ३, प्रतापपुर रुपन्देहीको आयोजनामा सञ्चालित कञ्चन क्रिकेट लिग प्रतियोगिताको तेश्रो दिन दुई खेल सम्पन्न भएका छन। उक्त खेलमा आर के बरकट १७ र शान्तिसिद्धार्थ युवा क्लव (आयोजक) विजयी भएका छन।
निश्चल सुपर किङ्ग्स र आर के बरकट १७ बिच भएको तेश्रो दिनको पहिलो खेलमा आर के बरकट १७ ४५ रनले विजयी भएको हो। आर के बरकट १७ ले निश्चल सुपर किङ्ग्सलाई दिएको १२२ रनको टार्गेटलाई आर के बरकट १७ सहजै क्याच गर्दै विजयी भएको हो। उक्त खेलमा आर के बरकट १७ का आर के बरकट म्यान अफ द म्याच भएका छन।
यस्तै श्री शान्तिसिद्धार्थ युवा क्लव (आयोजक) र लियो क्लव अफ कञ्चन बिच भएको पहिलो क्वाटर फाइनल खेलमा श्री शान्तिसिद्धार्थ युवा क्लव (आयोजक) २९ रनले विजयी भएको छ। शान्तिसिद्धार्थलाई लियो क्लवले दिएको १०२ रनको टार्गेटलाई शान्तिसिद्धार्थले सहजै पुरा गरेको थियो। उक्त खेलमा शान्तिसिद्धार्थका शैयाद खान म्यान अफ द म्याच हुन सफल भएका छन।
कञ्चन, गैडहवा र सैनामैनाका क्रिकेट टिमहरुले प्रतिस्पर्धा गरेको उक्त प्रतियोगितामा विजेता टिमले नगद ३० हजार रुपैया सहित कप, मेडल र प्रमाण पत्र पाउने क्लवका अध्यक्ष समिर ढकालले जानकारी दिनु भएको छ। यस्तै प्रतियोगिताको उपविजेता टिमले नगद १५ हजार रुपैया सहित कप, मेडल र प्रमाण पत्र पाउने छन।
जापनिज भाषा प्रशिक्षण हुने कञ्चनको एक उत्कृष्ट एजुकेश्नल कन्सल्टेन्सी रेन्वो एकेडेमीले प्रायोजन गरेको उक्त प्रतियोगिता कञ्चन ३ स्थित धमिनाताल खेलमैदानमा सञ्चालन भइरहेको छ भने उक्त प्रतियोगिता फागुन ४ गते सम्म सञ्चालन हुने छ।

प्रकाशित मिति: बुधबार, माघ २९, २०८२ ०७:०४