रानीवगिया र सुनौलो संगम क्वाटरफाइनमा प्रवेश, आजदेखि क्वाटरफाइनल खेल शुरु हुने

खेलकुद

गृहपृष्ठ
खेलकुद
रानीवगिया र सुनौलो संगम क्वाटरफाइनमा प्रवेश, आजदेखि क्वाटरफाइनल खेल शुरु हुने

रानीवगिया र सुनौलो संगम क्वाटरफाइनमा प्रवेश, आजदेखि क्वाटरफाइनल खेल शुरु हुने रानीवगिया र सुनौलो संगम क्वाटरफाइनमा प्रवेश, आजदेखि क्वाटरफाइनल खेल शुरु हुने

शनिबार, पुस २६, २०८२ कञ्चन खवर

२६ पुस, कञ्चन
रुद्रपुर युवा क्लव, कञ्चन ४, कालिका टोल रुपन्देहीको आठौं बार्षिक उत्सवको अवसरमा जारी चौथो रुद्रपुर कप नकआउट फुटवल प्रतियोगिताको तेश्रो दिन दुई खेल सम्पन्न भएका छन। तेश्रो दिनको खेलबाट रानीवगिया एफ.सी. र सुनौलो संगम विजयी भएका छन।
कञ्चनको खेलकुद बिकासमा नयाँ आयाम थप्ने प्रतियोगिताको रुपमा सञ्चालित प्रतियोगिताको तेश्रो दिन चाँदनी युवा क्लव र रानीवगिया एफ.सी. बिच भएको पहिलो खेलमा रानीवगिया एफ.सी. पेनाल्टी शुटआउटबाट वजयी हुदै क्वाटरफाइनल खेलमा प्रबेश गर्न सफल भएको छ। दुबै टिमबाट निर्धारित समयमा कुनैपनि गोल हुन नसकेपछि निर्णायक टिमले खेललाई पेनाल्टी शुटआउटमा खेल टुङ्ग्याएको हो। उक्त खेलमा रानीवगियाका गोलकिपर बिक्रम राना म्यान अफ द म्याच भएक छन।
यसैगरी सुनौलो संगम र बुद्धभूमि स्पोर्टस एकेडेमी बिच भएको दोश्रो खेलमा सुनौलो संगम २-० गोल अन्तरले विजयी भएको छ। यो विजयसंगै सुनौलो संगम क्वाटरफाइनल खेलमा प्रबेश गर्न सफल भएको छ। हिजो सम्पन्न भएको दोश्रो खेलमा बुद्धभूमी एकेडेमीका विपिन के.सी. म्यान अफ द म्याच भएका छन। सुनौलो संगमका लागि मिलन गुरुङ्ग र सुशान्त क्षेत्रीले १-१ गोल गरेका थिए।
रुद्रपुर माध्यमिक विद्यालयको खेल मैदानमा जारी चौथो रुद्रपुर कप फुटवल प्रतियोगिताका विजेता टिमले नगद १,३१,१११ रुपैया सहित शिल्ड, ट्रफी र प्रमाण पत्र पाउने छन भने उपविजेता टिमले नगद ६५,५५५ रुपैया सहित शिल्ड, ट्रफी र प्रमाण पत्र पाउने क्लवका सचिव दृष्टि रानाले जानकारी दिनु भएको छ।
यसैगरी हरेक खेलमा म्यान अफ द म्याचको समेत व्यबस्था गरिएको उक्त प्रतियोगितामा उत्कृष्ट गोलकिपर, सर्वाधिक गोलकर्ता, उदीयमान खेलाडी र सर्वोकृष्ट खेलाडीको छनौट गरि नगद पुरस्कारले सम्मान गरिने आयोजकले जनाएको छ। विधागत रुपमा उत्कृष्ट खेल प्रदर्शन गर्ने खेलाडीहरुलाई जनही १,५०० रुपैया र ट्रफी प्रदान गरिने क्लवका सचिव रानाले जानकारी दिनु भएको छ ।
विभिन्न १२ फुटवल टिमहरुले प्रस्तिपर्धा गरिरहेका उक्त प्रतियोगितालाई सफल बनाउन कञ्चन ४ का दानवीर रुप बहादुर थापाले प्रतियोगिता प्रायोजन स्वरुप नगद १,३१,१११ रुपैया आर्थिक सहयोग समेत गर्नु भएको क्लवका सचिव रानाले जानकारी दिनु भएको छ। यस्तै क्लवका शुभेच्छुकहरुबाट समेत आर्थिक, भौतिक तथा नैतिक सहयोग उपलब्ध भइरहेको क्लवले जनाएको छ।
आजबाट भने प्रतियोगिताका क्वाटरफाइनल खेलहरु शुरु हुनेछ आयोजकले जनाएको छ। आज क्वाटरफाइनल खेलको पहिलो खेलमा गौतमबुद्ध सामुदायिक बिकास केन्द्र र मुर्गिया एफ.सी. तथा सम्पूर्ण युवा क्लव र देवदह एफ.सी. बिच दिउँस १ बजे देखि प्रतिपर्धा शुरु हुने छ।

प्रकाशित मिति: शनिबार, पुस २६, २०८२ ०८:१४