प्रथम सुनौलो शान्ति सेभेन ए साइड नकआउट फुटवल प्रतियोगिता तेश्रो दिन ३ खेल सम्पन्न

खेलकुद

गृहपृष्ठ
खेलकुद
प्रथम सुनौलो शान्ति सेभेन ए साइड नकआउट फुटवल प्रतियोगिता तेश्रो दिन ३ खेल सम्पन्न

प्रथम सुनौलो शान्ति सेभेन ए साइड नकआउट फुटवल प्रतियोगिता तेश्रो दिन ३ खेल सम्पन्न

बिहीबार, पुस १७, २०८२ कञ्चन खवर

१७ पुस, कञ्चन
रुपन्देहीको कञ्चन गाउँपालिका वडा नं. १ लौसा खेल मैदानमा जारी सेभेन ए साइड नकआउट फुटवल प्रतियोगिताको तेश्रो दिन तीन खेल सम्पन्न भएको छ। सुनौलो शान्ति युवा क्लव, कञ्चन १ शान्तिनगर रुपन्देहीको आयोजना सञ्चालित प्रथम सुनौलो शान्ति सेभेन ए साइड नकआउट फुटवल प्रतियोगितामा १६ फुटवल टिमहरुले प्रतिस्पर्धा गरिरहेका छन।
आज प्रतियोगिताको तेश्रो दिन नमुना युवा क्लव र नव कञ्चन कञ्चन बिच भएको पहिलो खेलमा नव कञ्चन २-० गोल अन्तरले विजयी भएको छ। उक्त खेलमा नव कञ्चनका प्रविन बुढाथोकी म्यान अफ द म्याच भएका छन।
यसैगरी चाँदनी युवा क्लव र भैसाही युवा क्लव बिच भएको दोश्रो खेलमा चाँदनी युवा क्लव विजयी भएको छ। उक्त खेल निर्धारित समयसम्म दुबै टिमबाट कुनै पनि गोल गर्न नसकेपछि खेललाई पेनाल्टी शुटआउटको आधारमा टङ्ग्याइएको हो । यस खेलमा चाँदनीका ध्रुव श्रीस म्यान अफ द म्याच भएका छन।
आज नै हिमालय सामुदायिक बिकास केन्द्र र गौतमबुद्ध एफ.सी. बिच भएको तेश्रो खेलमा हिमालय सामुदायिक बिकास केन्द्र विजयी भएको छ। हिमालयले गौतमबुद्धलाई ३-२ गोल अन्तरले पराजित गरेको हो। तेश्रो खेलमा हिमालयका आकाश थापा म्यान अफ द म्याच भएक छन।
पुस २२ गतेसम्म सञ्चालन हुने प्रतियोगिताको विजेता टिमले नगद ३० हजार रुपैया सहित मेडल र ट्रफी पाउनेछन भने उपविजेता टिमले नगद १५ हजार रुपैया सहित मेडल र प्रमाण पत्र पाउने सुनौलो शान्ति युवा क्लवका खेल संयोजक निर्मल थापाले जानकारी दिनु भएको छ।
यसैगरी प्रतियोगितामा सर्वाधिक गोलकर्ता, उत्कृष्ट गोल रक्षक र उत्कृष्ट खेलाडी गरी ३ विधामा समेत पुरस्कारको व्यबस्था गरिएको छ।

प्रकाशित मिति: बिहीबार, पुस १७, २०८२ २०:०५

प्रतिक्रिया दिनुहोस्