कञ्चन गाउँपालिकामा महिलाहरुका लागि उद्घोषण तालिम शुरु

राष्ट्रिय

गृहपृष्ठ
राष्ट्रिय
कञ्चन गाउँपालिकामा महिलाहरुका लागि उद्घोषण तालिम शुरु

कञ्चन गाउँपालिकामा महिलाहरुका लागि उद्घोषण तालिम शुरु

बुधबार, पुस १७, २०८१ कञ्चन खवर

१७ पुस, कञ्चन
रुपन्देहीको कञ्चन गाउपालिका वडा नं. ४ को वडा कार्यालयले वडाका महिलाहरुको व्यक्तीत्व र नेतृत्वको बिकाससंगै वाककलाको बिकासका लगि ३ दिने उद्घोषण तालिम संचालन गरेको छ। तालिममा वडाका २७ आमा तथा महिला समूहका ५४ जना महिलाहरुको सहभागिता रहेको छ।
तालिमको शुभारम्भ गर्दै वडा नं. ४ का कार्यवाहक वडा अध्यक्ष तुल बहादुर गुरुङ्गले वडामा रहेका महिलाहरुको नेतृत्वमा भएका हरेक समूह तथा संस्थाहरुको संस्थागत बिकास गर्न महिलाहरु नै सक्षम हुन पर्ने उल्लेख गर्नु भयो। महिलाहरुको नेतृत्व र व्यक्तीत्व बिकासका लागि महिलाहरुमा वाककलाको बिकास हुनु पर्ने उल्लेख गर्दै कार्यबाहक वडा अध्यक्ष गुरुङ्गले कुनै पनि कार्यक्रम, सभा समारोहमा आफुसंग भएको सोंच र बिचारहरुलाई अरुमाझ पुर्याउन बोल्ने कला र क्षमताको बिकास गराउने उद्धेश्यले तालिमको आयोजना गरिएको बताउनु भयो।
यसैगरी कार्यपालिका सदस्य सुशिला थापाले जहाँसुकै महिला महिला भन्ने तर नेतृत्व गर्नेबेलामा "मैलै त जान्दैन भन्दै" पछि हट्ने महिलाहरुको बानीको अन्त्य गर्न उद्घोषण तालिम संचालन गरिएको बताउनु भयो। बोल्ने बानीको अभ्यास छैन भने र कुन ठाउँमा के बोल्ने र आफ्नो बिचार कसरी व्यक्त गर्ने भन्ने ज्ञान, सिप र कलाको बिकास गर्न नसकेमा आफु जति नै जान्ने भएपनि अगाडी बढ्न नसकिने भन्दै कार्यपालिका सदस्य थापाले बोल्ने कला सिक्नका लागि तालिम उपयोगी हुने कुरामा विश्वास व्यक्त गर्नु भयो।
वडा सदस्य श्रीमाया नेपालीले कार्यक्रममा स्वागत गर्दै आफुसंग बोल्ने बानीको बिकास नभएपछि जति ज्ञान सिप भएपनि आवस्यक ठाउँमा आवस्यक बिचार र भनाई राख्न नसकिने अनुभव बताउनु भयो।
कार्यवाहक वडा अध्यक्ष तुल बहादुर गुरुङ्गको अध्यक्षतामा भएको कार्यक्रममा वडा सचिव चक्रपाणी पौडेलले सिप जति सिकेपनि पुरा नहुने तर सिकेको सिपलाई अधिक्तम उपयोग गर्नु पर्ने बताउनु भयो।
कञ्चन ४ स्थित वगिया बजारको सामुदायिक हलमा संचालन भएको तालिममा सामुदायिक रेडियो कञ्चनका गोविन्द आचार्य, कञ्चन खवरका जगीलाल थापा र कल्पना वि.क.ले प्रशिक्षण दिनु हुनेछ।

प्रकाशित मिति: बुधबार, पुस १७, २०८१ २०:४६

प्रतिक्रिया दिनुहोस्