मनीता यादवको मृत्यु शंकास्पद,दाईजो प्रकरण माईतीपक्षबाट हत्याको आरोप

समाचार

गृहपृष्ठ
समाचार
मनीता यादवको मृत्यु शंकास्पद,दाईजो प्रकरण माईतीपक्षबाट हत्याको आरोप

मनीता यादवको मृत्यु शंकास्पद,दाईजो प्रकरण माईतीपक्षबाट हत्याको आरोप

2077/08/17 बिन्दु कुमार चौहान

१७ मंसिर,लुम्बिनी
कार्तिक ३० गते ज्यान गुमाएकी रुपन्देही मायादेबी गाँउपालिका वडा नं. २ दुबिहवा निवासी अन्दाजी २२ बर्षीया मनीता यादवको मृत्यु शंकास्पष्द बनेको छ । घटना प्रकृतिलाई लिएर माईती पक्षले दाईजो नल्याएको कारण देखाई मृतकको श्रीमान २५ बर्षीय दिनेश यादव सहित पाँच जना बिरुद्ध किटानी जाहेरी दिए पछि निजको मृत्यु शंकाको घेरा भित्र परेको हो ।
एकलाख मुल्य बराबरको सुन तथा मोटरसाईकल दाईजो नल्याएको कारण बहिनीको श्रीमान दिनेश यादव सासु ससुरा लगायत पाँच जनाले कूटपीट पश्चात बिष समेत खुवाई हत्या गरेको मृतकका भाई रामशंकर यादवले जानकारी गराए ।
निजले कूटपीटबाट बहिनीको टाउको घाँटीेमा लागेको घाँउचोट भएको घटना प्रकृतिको सचित्र प्रमाण सहित प्रहरी समक्ष किटानी जाहेरी दिन ईलाका प्रहरी समक्ष जादा प्रहरीले दर्ता गर्न नमाने पछि मानव अधिकार आयोग समक्ष उजुरी पेश गरेको गुनासो गरे ।
मृतक यादवको माईती पक्षबाट आयोग समक्ष परेको उजूरीको आधारमा आवश्यक अनुसन्धान प्रक्रिया अघि बढाइएको राष्ट्रिय मानवअधिकार आयोगका दीपक ठाकुरले जानकारी गराए ।
सो सम्बन्धमा ईलाका प्रहरी कार्यालय लुम्बिनीका प्रहरी निरीक्षक रबिन्द्र महत सँग जानकारी लिन खोज्दा निजलेको पहिले नै केटा पक्षबाट ज्यान मुद्दा सम्बन्धी जाहेरी आईसकेको हुदा एउटै घटनाको दुईवटा जाहेरी लिई मुद्दा चलाउने प्रावधान नभएको हुदा अनुसन्धान सबै कोणबाट जारी राखिएको बताए ।
यद्यपि केटा पक्षबाट दाईजो नल्याएको भन्दै कूटपीट पश्चात बिष खुवाई मनीता यादवको निर्मम हत्या गरिएको दाबी गर्दै माईती पक्षले जाहेरी दर्ता गराउन खोज्दा प्रहरीले उजुरी दर्ता नै गर्न नमानेको घटनाले पीडितलाई झनै पीडा थपिदिएकोले न्यायिक छानबीन पश्चात दोषी माथि कानूनी कार्यवाही गर्न अभियन्ता शम्भु चौहानले माँग समेत गरे ।

प्रकाशित मिति: बुधबार, मंसिर १७, २०७७ ०९:००