कपिलबस्तु एकीकृत गुरुयोजना निर्माण बारे अन्र्तक्रिया

समाचार

गृहपृष्ठ
समाचार
कपिलबस्तु एकीकृत गुरुयोजना निर्माण बारे अन्र्तक्रिया

कपिलबस्तु एकीकृत गुरुयोजना निर्माण बारे अन्र्तक्रिया

2077/07/26 बिन्दु कुमार चौहान

कार्तिक, लुम्बिनी । लुम्बिनी बिकास कोषको आयोजनामा कपिलबस्तु स्थित बुद्ध जीवनी सँग सम्बन्धित बिभिन्न ऐतिहासिक पूरातात्विक स्थलहरुको एकीकृत गुरुयोजना निर्माणका लागि सोमबार अन्र्तक्रिया कार्यक्रम सम्पन्न भएको छ ।
लुम्बिनी बिकास कोष पर्खाल भित्रै सीमित भएको चौतर्फी आलोचनालाई चिर्दै कोषले कपिलबस्तुमा तिलौराकोट,अरौराकोट कूदान,सगरहवा तथा निगलिहवा लगायत बुद्ध जीवनी सँग गाँसिएका ऐतिहासिक पूरातात्विक स्थलहरुको बिकास हेतु कपिलबस्तु एकीकृत गुरुयोजना निर्माणका लागि पहिलो पटक सार्बजनिक रुपमा अन्र्तक्रिया कार्यक्रम सम्पन्न गरेको हो ।
अन्र्तक्रिया समारोहलाई सम्बोद्धन गर्दै लुम्बिनी बिकास कोषका उपाध्यक्ष अवधेश कुमार त्रिपाठी ( भिक्षु मेत्तेय ) ले पर्खाल भित्रै सीमित रहने लुम्बिनी गुरुयोजनाबाट पाठ सिकेर कपिलबस्तुबासी जनताको गाँस,बास र कपास सँग प्रत्यक्ष सरोकार राख्ने बस्तुगत एकीकृत गुरुयोजना निर्माण हुन लागेको बताए ।
उनले तिलौराकोटको उत्खनन पश्चात फेला पारिएका बस्तु अवशेषको आधारमा बैज्ञानिक कपिलबस्तु एकीकृत गुरुयोजनाले कपिलबस्तुलाई खुला संग्रहालयको रुपमा बिश्वभरकै मानिसहरुका लागि आर्कषण केन्द्रकै रुपमा स्थापित हुने दाबी गरे ।
कोषका उपाध्यक्ष त्रिपाठीले बाणगंगा नदीको सुन्दरीकरण महाबनमा ध्यानकेन्द्र बनाउन अर्को प्रस्तावित गुरुयोजना बारे लुम्बिनी बिकास कोषले अध्यन अनुसन्धान गरिरहेको हुदा पूरातत्व बिभागले कपिलबस्तुमा शाखा कार्यालय स्थापना गरि सहयोग गर्नु पर्ने अपेक्षा समेत गरे ।
कार्यक्रममा एकीकृत कपिलबस्तु गुरुयोजना निर्माण संयोजक डा.संजय उप्रेतीले कपिलबस्तुबासी सँग परामर्श गरि आपसी सहकार्यमा क्रमशः गुरुयोजना निर्माणकार्य अगाडी बढाउने प्रतिबद्धता जनाए ।
सो अवसरमा पूर्बमन्त्रीद्वय द्वीप कुमार उपाध्याय, चक्रपाणि खनाल ( बलदेव ) राष्ट्रिसभासदस्य बिमलाशर्मा, प्रतिनिधीसभा सदस्य सुजिता साक्य ,लुम्बिनी बिकास कोष सदस्यसचिव सानुराजासाक्य लगायतले मक्तब्य ब्यक्त गरेका थिए ।

प्रकाशित मिति: बुधबार, कात्तिक २६, २०७७ १८:५७

यो समचार पढेर तपाईले कस्तो महसुस गर्नुभएको छ ?

खुसी