अवध मैत्री समाजद्वारा कपिलवस्तुको कर्मामा होली मिलन समारोह

समाचार

गृहपृष्ठ
समाचार
अवध मैत्री समाजद्वारा कपिलवस्तुको कर्मामा होली मिलन समारोह

अवध मैत्री समाजद्वारा कपिलवस्तुको कर्मामा होली मिलन समारोह

बुधबार, चैत २१, २०८० कञ्चन खवर

२१ चैत्र,कपिलवस्तु
नेपाल-भारत अवध मैत्री समाजको आयोजनामा होली मिलन समारोह एवं सांस्कृतिक कार्यक्रम हुने भएको छ।
मथुरा, वृन्दनवन, बृज, काशी, आयोध्या लगायतको अवध सांस्कृतिक क्षेत्रमा होलीको महत्व एवं रितिरिवाजको आदानप्रदानका साथै थप भव्य बनाई सांस्कृतिक बिकासमा टेवा पुर्याउने उद्देश्यले होली मिलन समारोह २०८० मनाउन लागिएको पत्रकार सम्मेलनका माध्यमबाट आयोजक समितिले जानकारी गराएको छ ।
नेपाल-भारत लगायत हिन्दु धर्मवालम्बी बसोबास गरेका देशहरुमा विभित्र तरिकाले होली मनाउने गरेका छन । सोही अवसरमा आज नेपाल र भारतका सांस्कृतिक कलाकारहरुको बेजोड प्रस्तुतिका साथ प्रथम होली मिलन समारोह आयोजना गरिएको नेपाल-भारत अवध मैत्री समाजका केन्द्रीय अध्यक्ष पुर्व राज्यमन्त्री इश्वरदयाल मिश्रले जानकारी दिनुभएको छ ।
कृष्णनगर नगरपालिका वडा ६ को जनता माध्यमिक विद्यालय कर्माको प्रांगणमा गरिने सो कार्यक्रममा भारतीय दुतावासका पदाधिकारी, नेता एवं समाजसेवीका साथै नेपाल तर्फका नेता तथा जनप्रतिनिधि समेतको उपस्थिति रहने आयोजक समितिले बताएको छ ।
पत्रकार सम्मेलनमार्फत पुर्व राष्ट्रिय सभा सदस्य दीर्घनारायण पाण्डे, कांग्रेश महाधिवेशन प्रतिनिधि दीपक शुक्ला, नेता रविदत्त मिश्र, राशिद मिर्जा, कपिलवस्तु साझेदारी वन व्यवस्थापन समिति अध्यक्ष गंगेशनाथ तिवारी पुर्वप्रधान सचिदानन्द शुक्ला, देवानन्द शुक्लालगायतका स्थानीय जनप्रतिनिधिले सामुहिकरुपमा कार्यक्रमलाई भव्य, सभ्य एवं सफल बनाउन सम्पूर्ण सरोकारवाला, जनप्रतिनिधि, संघसंस्था, सर्वसाधारण तथा संचारकर्मीहरुलाई अनुरोधसमेत गरेका हुन ।

प्रकाशित मिति: बुधबार, चैत २१, २०८० ०६:०२