कञ्चनमा फेरी वडा कप शुरु,फुटवल खेलको हव बन्दै-वडा अध्यक्ष खत्री

समाचार

गृहपृष्ठ
समाचार
कञ्चनमा फेरी वडा कप शुरु,फुटवल खेलको हव बन्दै-वडा अध्यक्ष खत्री

कञ्चनमा फेरी वडा कप शुरु,फुटवल खेलको हव बन्दै-वडा अध्यक्ष खत्री

सोमबार, चैत १२, २०८० कञ्चन खवर

१२ चैत्र, कञ्चन
रुपन्देहीको कञ्चनमा एक पछि अर्को फुटवल प्रतियोगिता संचालन भइरहेको छ। कञ्चनमा ठूलो धनराशीको कञ्चन कपको समाप्तीसंगै एक पछि अर्को गर्दै वडास्तरिय फुटवल प्रतियोगिता संचालन भइरहेको छ। कञ्चन ४ को बेलडाडाँमा वडा स्तरिय फुटवल प्रतियोगिताको शुभारम्भ गर्दै कञ्चन ४ का वडा अध्यक्ष केशर बहादुर खत्रीले कञ्चन गाउपालिका फुटवल खेलका लागि महत्वपुर्ण हव बन्दै गइरहेको बताउनु भएको छ।

वडा अध्यक्ष खत्रीले कञ्चनमा बिभिन्न खेलकुदहरुको बिकास भइरहेको त्यस मध्यपनि फुटवल र भलिवल खेलको महत्वपुर्ण हब बन्दै गइरहेको बताउनु भएको छ। पािलकाले कुनै पनि खेलकुदको नाममा सिधै बजेट ब्यबस्थापन नगरेको भएपनि भलिवल, फुटवल ब्याडमिण्टन, क्रिकेट लगायत खेलहरु संचालन गर्न वडा तथा पालिका तहबाट सक्दो आर्थिक सहयोग गर्दै आइरहेको बताउनु भयो।
यस्तै वडा नं. ५ का वडा अध्यक्ष कुलप्रसाद पौडेलले कञ्चनको खेलकुदको ब्यबस्थित बिकास तथा ब्यबसायिक बनाउन योजना बनाएर अगाडी बढ्न आवस्यक रहेको बताउनु भयो। अव बढी कुरा भन्दा पनि काम र जति सकिन्छ त्यति जनताले प्रत्यक्ष अुनभुत गर्नेगरी हरेक योजनालाई अगाडी बढाउनु पर्छ भन्ने मान्यताका साथ कञ्चन गाउँपालिका अगाडी बढिरहेको बताउनु भयो।

कञ्चन सामुदायिक बिकास प्रतिस्ठान, कञ्चन ४ रुपन्देहीको आयोजना तथा कञ्चन ४ को वडा कार्यालयको आर्थिक सहयोगमा संचालित प्रतियोगितामा १६ फुटवल टिमहरुले सहभागिता जनाएका छन। प्रतियोगिताका विजेता टिमले ५१ हजार १ सय ११ रुपैया नगद सहित कप, मेडल र प्रमाण पत्र प्राप्त गर्ने छन भने उपविजेता टिमले ३१ हजार १ सय ११ रुपैया सहित कप, मेडल र प्रमाणपत्र पाप्त गर्ने कञ्चन सामुदायिक बिकास प्रतिस्ठानका अध्यक्ष टेक बहादुर रानाले जानकारी दिनु भएको छ।
प्रतियोगिताको उद्घाटन खेलमा सुनगाभा फुटवल क्लव, कञ्चन ४ र साधाना युवा क्लव, कञ्चन ५ भैसाही बिच भएको प्रस्तिपर्धामा सुनगाभा फुटवल क्लव विजयी भएको छ। साधाना युवा क्लवका बिरुद्ध खेलको पहिलो हाफको ३० औं मिनेटमा सुनगाभाका रविन थापाले गरेको पहिलो गोल नै निर्णायक गोल बनेको थियो। खेलको दोश्रो हाफ पछिको खेलमा साधानाले गोल फर्काउने प्रयासलाई सुनगाभाका डिफेण्डरहरुले असफल बनाइदिएका थिए।
कञ्चन ४ को बेलडाडाँमा रहेको खेल मैदानमा संचालित प्रतियोगिताको उद्घाटन कञ्चन सामुदायिक बिकास प्रतिस्ठानका अध्यक्ष टेक बहादुर रानाको अध्यक्षता, वडा नं. ४ का वडा अध्यक्ष केशर बहादुर खत्रीको प्रमुख आतिथ्यता तथा वडा नं. ५ का वडा अध्यक्ष कुल प्रसाद पौडेलको बिशेष आतिथ्यतामा भएको थियो। कार्यक्रमको संचालन प्रतिस्ठानका गुन बहादुर काउचाले गर्नु भएको थियो । प्रतियोगिता यही चैत्र २२ गते सम्म संचालन हुने छ।