बाँकेको जयेन्दु बाल सुधार गृहमा झडप, झडपमा परी कञ्चनका सुलभ के.सी.को मृत्यु

समाचार

गृहपृष्ठ
समाचार
बाँकेको जयेन्दु बाल सुधार गृहमा झडप, झडपमा परी कञ्चनका सुलभ के.सी.को मृत्यु

बाँकेको जयेन्दु बाल सुधार गृहमा झडप, झडपमा परी कञ्चनका सुलभ के.सी.को मृत्यु

शनिबार, असोज ६, २०८० कञ्चन खवर

६ असोज,नेपालगञ्ज
बाँकेको डडुवा गाउँपालिका–६ मा रहेको जयेन्दु बाल सुधार गृहमा शुक्रवार भएको छ । झडपमापरी सुधार केन्द्रमा रहेका एक जनाको मृत्यु भएको छ।
प्रहरीका अनुसार मृत्यु हुनेमा जिल्ला रुपन्देही कञ्चन ४ का सुलभ के.सी. रहेका छन। नौ जना थुनुवा फरार भएका छन्। झडपका क्रममा १० जना घाइते भएका र घाइतेमध्ये एकको उपचारका क्रममा रुपन्देहीको कञ्चन गाउँपालिका–४ का सुलभ केसीको मृत्यु भएको बाँकेका प्रहरी नायब उपरीक्षक नारायण डाँगीले जानकारी दिएका छन। मृतक के.सी. अपहरण, शरीर बन्धक तथा जबरजस्ती करणीको मुद्दामा बाल सुधार गृहको थुनामा थिए।
प्रहरी नायव उपरिक्षक डाँगीका अनुसार फरार रहेका सबैको खोजी गर्न प्रहरी परिचालन गरिएको छ । फरार भएकाहरु कहाँका हुन् र कहिलेदेखि बाल सुधार गृहमा थिए भन्ने विषय खुल्न नसकेको जिल्ला प्रहरी कार्यालय, बाँकेका प्रहरी नायब उपरीक्षक डाँगीले जानकारी दिए।
थुनुवाले सुधार गृहको भवनका झ्यालका सिसा, रेलिङ, बार भत्काएका छन् भने प्रहरीले चारैतिरबाट भवनलाई घेरेर राखेको छ। प्रहरीका अनुसार बाल सुधार गृहमा रहेको दुई मोटरसाइकल, एउटा कम्प्युटर तोडफोड गर्नुका साथै प्रहरीको पोसाकमा पनि आगजनी गरेका छन् ।
सुधार गृहका थुनुवा खगेन्द्र सारु मगरले सुतेको अवस्थामा अर्को पक्षले आफूमाथि आक्रमण गरेको दाबी गरेका छन्। “हामीलाई टाउको र हातमा निर्घात कुटेका छन्”, उनले पत्रकारसँग कुरा गर्दै भने ।
भवनभित्र तनाव जारी रहेकाले नेपाल प्रहरी र सशस्त्र प्रहरी घटनास्थलमा तैनाथ रहेका छन्। दुई सय ५४ थुनुवा रहेको सुधार गृहमा १८ वर्षमाथिका एक सय ६५ थुनुवा छन् ।

प्रकाशित मिति: शनिबार, असोज ६, २०८० ०५:५३