हरैयामा अखिल नेपाल महिला संघद्वारा प्रगतीशिल तीज गित प्रस्तुत

समाचार

गृहपृष्ठ
समाचार
हरैयामा अखिल नेपाल महिला संघद्वारा प्रगतीशिल तीज गित प्रस्तुत

हरैयामा अखिल नेपाल महिला संघद्वारा प्रगतीशिल तीज गित प्रस्तुत

मंगलबार, असोज २, २०८० कञ्चन खवर

१ असोज, कञ्चन
नेकपा (मशाल) सम्बद्ध अखिल नेपाल महिला संघ रुपन्देहीले कञ्चनको हरैयामा जनवादी प्रगतीशिल तीज गित तथा नृत्य प्रस्तुत गरेको छ।
उक्त कार्यक्रममा कलाकारहरुले तीज गित मार्फत देशमा शासक दलहरुबाट भइरहेको भ्रष्टचार, बेथिती, अनियमित्ता, सुन काण्ड, ओम्नी काण्ड, नक्कली भुटानी शरणार्थी काण्ड , वाइडबडी काण्ड जस्ताका बिरुद्ध जनतालाई सचेत गराएका थिए। राम्रा भनिएकाहरुले समेत झुटो आश्वासन दिएर जनतालाई झुक्काईरहेको, पटक पटक सरकारमा गएर देश र जनताले आफ्नो सरकारको अनुभुती गर्न नपाएको तथा स्थानीय तहमा समेत भ्रष्टचारको श्रृंखला जोडिएको बिरुद्ध अव जनता सचेत भई शासक दलहरुका बिरुद्ध एक हुनुको कुनै बिकल्प नभएको जस्ता सन्देश सहितको तीज गित र नृत्य प्रस्तुत गरिएको कार्यक्रममा रक्तिम सांस्कृतिक परिवारका केन्द्रिय अध्यक्ष नारायण शर्माले ठूला भनिएका दलका नेताहरुमा भ्रष्टचार र अनियमित्ता गर्ने बाहेक देश जनताको पक्षमा काम गर्नु पर्छ भन्ने कुनै सोंच नभएको बताउनु भएको थियो।
रक्तिम सांस्कृति परिवारका केन्द्रिय अध्यक्ष शर्माले महिलाहरुले आफ्नो दुख, बेदना र पिर ब्यथाहरुलाई गित मार्फत अभिब्यक्त गर्ने पर्व भएपनि बिदेशी संस्कृतिलाई बढावा दिनेगरी दर खाने र खुवाउने बहानामा होटल र पार्टी प्यालेसहरुमा उच्छ्रिंल कृयाकलापहरु भइरहेको र त्यसले समाजलाई सही दिशामा नलैजाने भन्दै तिनै कृयाकलापहरुका बिरुद्ध जनवादी प्रगतीशिल तीज गित र नृत्य प्रस्तुत गरिएको बताउनु भयो।
हरैया बहुमुखी क्याम्पसको प्रांगणमा भएको कार्यक्रममा स्थानीयहरुको उल्लेख्य सहभागिता रहेको थियो।कार्यक्रममा रक्तिम सांस्कृति परिवार तथा अखिल महिला संघका कलाकारहरुले तीज थित तथा नृत्य प्रस्तुत गरेका थिए

प्रकाशित मिति: मंगलबार, असोज २, २०८० ०६:१७

यो समचार पढेर तपाईले कस्तो महसुस गर्नुभएको छ ?

खुसी