तीज गितमा नाच्नेक्रममा एक युवाको हत्या

समाचार

गृहपृष्ठ
समाचार
तीज गितमा नाच्नेक्रममा एक युवाको हत्या

तीज गितमा नाच्नेक्रममा एक युवाको हत्या

सोमबार, असोज १, २०८० कञ्चन खवर

१ असोज,पाल्पा
पाल्पाको तिनाउ गाउँपालिका–२ घोंडेबासमा तीजको गितमा नाच्नेक्रममा एक युवाको चक्कु प्रहारबाट हत्या भएको छ। प्रहरीक अनुसार हत्या हुनेमा तिनाउ गाउँपालिका–२ घोंडेबासका २४ वर्षीय सुनिल खत्री रहेका छन् ।
स्थानीय एक घरमा भेला भएर तीज गितमा नाच्नेक्रममा सामान्य झगडा हुँदा गएराती साढे १२ बजे ती युवक माथि धारिलो चक्कु प्रहार भएको जिल्ला प्रहरी कार्यालय पाल्पाले जनाएको छ।
चक्कु प्रहारबाट गम्भीर घाइते भएका खत्रीलाई उपचारका लागि रुपन्देहीको बुटवलस्थित लुम्बिनी प्रादेशिक अस्पतालमा लैजाँदा राती पौने दुई बजे चिकित्सकले मृत घोषणा गरेको जिल्ला प्रहरी कार्यालय पाल्पाका सूचना अधिकारी प्रहरी निरीक्षक सन्तोष चन्दले जानकारी दिनु भएको छ।
तीज गितमा महिलाहरु नाचिरहेका बेला युवाहरुबीच सामान्य झगडा भएको र झगडाले उग्ररुप लिएपछि चक्कु प्रहार गरेर हत्या गरेको प्रारम्भिक अनुसन्धानमा खुलेको प्रहरी निरीक्षक चन्दले बताउनु भयो ।
हत्याको आरोपमा ४ जना युवालाई प्रहरीले नियन्त्रणमा लिएको छ। जिल्ला प्रहरी कार्यालय पाल्पाका प्रमुख प्रहरी उपरीक्षक हेरम्ब शर्मासहितको टोली घटनास्थलमा पुगेको छ।
घटनाबारे थप अनुसन्धान भइरहेको प्रहरीले जनाएको छ।

प्रकाशित मिति: सोमबार, असोज १, २०८० ११:५७